„ვითხოვ საპენსიო სესხის 5 პროცენტამდე შემცირებას,“ – ეს დავით ბურჭულაძის მოთხოვნაა, რომელმაც დღეს, 30 ივნისს, მემედ აბაშიძის გამზირზე კარავი გაშალა.
დავით ბურჭულაძე ასევე ითხოვს პენსიის მინიმუმ 500 ლარამდე გაზრდას და პენსიონერების ჯანდაცვის სრული პაკეტით უზრუნველყოფას.
„მე არ ამიღია საპენსიო სესხი, მაგრამ როგორ ამეღო? 35 პროცენტს სთხოვენ პენსიონერებს. ესაა სამართალი?“ – კითხულობს დავით ბურჭულაძე. ის პენსიას 140 ლარს იღებს, როგორც შშმ პირი.
დავით ბურჭულაძეს დაახლოებით ორი წლის წინ წინასწარ აუღია პენსია.
„18 თვის მომცეს წინასწარ, აქედან 6 თვის დაიტოვეს, ასე გამოვიდა. მიჭირს და სოციალურ დახმარებას არ მაძლევენ. აქვე ვცხოვრობ აბაშიძის ქუჩაზე და ზამთარში წელსაც შეშაზე ვთბებოდით… ექიმთან მისვლა მინდა, მაგრამ რაღაც ნაწილი შენ უნდა გადაიხადოო. მე არანაირი შემოსავალი არ მაქვს,“ – ამბობს დავით ბურჭულაძე.
საპენსიო სესხის მაქსიმალური ზღვარი 50 პროცენტია. არსებული პრაქტიკით პენსიონერებს სესხს ძირითადად 35 პროცენტად აძლევენ. ეს ბევრად ძვირია, ვიდრე ჩვეულებრივი სესხი.
