სიახლეები,სპორტი

ქედას ფეხბურთელი გოგონების გუნდი ეყოლება

17.06.2021 • 2090
ქედას ფეხბურთელი გოგონების გუნდი ეყოლება

ქედის სასპორტო სკოლაში გოგონათა სექცია ფეხბურთში პირველად გაიხსნა. გუნდი ჩამოყალიბების პროცესშია, ამ ეტაპზე მიმდინარეობს საწვრთნელი ვარჯიშები.

როგორც ქედის სასპორტო სკოლაში ამბობენ, ქედაში გოგონათა მხრიდან ფეხბურთით დაინტერესება მაღალია და მალე გულშემატკივრებს საშუალება ექნებათ გოგონათა გუნდს შეჯიბრებებსა და ფესტივალებზე უგულშემატკივრონ. ამ ეტაპზე სულ 30 გოგონა გადის შესარჩევ ეტაპს.

„მე-5 კლასიდან მივიღეთ გოგონები. ჯერ გუნდი ჩამოყალიბებული არ არის. ძალიან დიდია ინტერესი და სწორედ ამიტომ მივიღეთ ეს გადაწყვეტილება. უნდა მოხდეს შერჩევა და შემდგომ გადანაწილება. შესაძლებელია ორ ჯგუფადაც დავყოთ,” – ამბობს ქედის სასპორტო სკოლის ხელმძღვანელი მანუჩარ ჯიჯავაძე.

ქედა, ბათუმის შემდეგ, რეგიონში მეორე მუნიციპალიტეტია, სადაც გოგონათა ფეხბურთის გუნდი ჩამოყალიბდა.

„ჩვენ წარმატებული სექციები გვაქვს ამა თუ იმ სახეობებში, სადაც გვყავს გოგოები და აქედან გამომდინარე, აქცენტი ავიღეთ დაწყებითებიდან, სკოლის ასაკიდან, ძალიან ბევრი მსურველიც გამოჩნდა. მიზანშეწონილად მიგვაჩნია დაწყებითი სკოლიდან ავიყვანოთ ბავშვები, რომლებიც უკეთ ჩამოყალიბდებიან და უფრო  გაგვიადვილდება მათი სპორტული დაოსტატება”, – ამბობს მანუჩარ ჯიჯავაძე.

 

გადაბეჭდვის წესი


ასევე: