Batumelebi | გაუპატიურების საქმე ბათუმში – „მტკიცებულება არ არსებობს, ქალის ჩვენების გარდა“ გაუპატიურების საქმე ბათუმში – „მტკიცებულება არ არსებობს, ქალის ჩვენების გარდა“ – Batumelebi
RU | GE  

გაუპატიურების საქმე ბათუმში – „მტკიცებულება არ არსებობს, ქალის ჩვენების გარდა“

ბათუმის საქალაქო სასამართლოში გაუპატიურების საქმეზე დღეს, 16 ივნისს წინასასამართლო სხდომა შედგა. მოსამართლე დავით მამისეიშვილმა საქმის არსებითი განხილვის გადაწყეტილება მიიღო.

გამოძიება გაუპატიურებას, მუქარას და ოჯახში ძალადობას მ.ა.-ს ედავება. მას ქალმა უჩივლა, ვისთანაც ბოლო რამდენიმე წლის განმავლობაში არარეგისტრირებულ ქორწინებაში იყო. ადვოკატ მალხაზ ზოიძის თქმით, ცოლ-ქმართან ერთად ცხოვრობდა ბრალდებულის შვილიც წინა ქორწინებიდან.

„ჩვენ ველოდებით გამამართლებელ განაჩენს, მტკიცებულება არ არსებობს ქალის ჩვენების გარდა,“ – ამბობს ადვოკატი მალხაზ ზოიძე. მისი თქმით, საქმეში არსებული ექსპერტიზის დასკვნები არ ადასტურებს გაუპატიურებას, ან სხვა სახის ძალადობას.

„რეალურად იყო მხოლოდ კამათი და უთანხმოება, ისინი ბიზნესპარტნიორები იყვნენ, სასტუმრო ჰქონდათ ბათუმში ერთად და ამ გზით სავარაუდოდ ქალმა სცადა კაცის გზიდან ჩამოშორება,“ – აღნიშნა ადვოკატმა მალხაზ ზოიძემ „ბათუმელებთან“.

რადგან საქმე სექსუალური ხასიათის დანაშაულს ეხება, სასამართლო სხდომები დახურულია.

ბრალის დადასტურების შემთხვევაში მ.ა.-ს 6-დან 8 წლამდე თავისუფლების აღკვეთა ელის.

ნეტგაზეთის მასალების სხვა გამოცემებში გადაბეჭდვის წესი
ავტორი