აჭარის ზღვის სანაპიროზე, ქობულეთსა და კვარიათში, ზღვაში, მაშველები აგრძელებენ 2 ადამიანის ძებნის სამუშაოებს.
სამაშველო სამუშაოები თითქმის ერთი კვირაა მიმდინარეობს. საუბარია ორ სხვადასხვა შემთხვევაზე, ქობულეთისა და კვარიათის სანაპიროებზე ორი კაცი სხვადასხვა დროს შევიდა ზღვაში და მათი პოვნა ამ დრომდე ვერ ხერხდება.
სამაშველო სამუშაოებში გამოიყენება კატარღები, დრონები და კვადროციკლები სანაპირო ზოლის მონიტორინგისთვის.
შს სამინისტროს ინფორმაციით, აღნიშნულ ფაქტებზე დაწყებულია გამოძიება 115-ე მუხლით.
