Batumelebi | ერდოღანი აცხადებს, რომ შავ ზღვაში ბუნებრივი გაზის საბადო აღმოაჩინეს ერდოღანი აცხადებს, რომ შავ ზღვაში ბუნებრივი გაზის საბადო აღმოაჩინეს – Batumelebi
RU | GE  

ერდოღანი აცხადებს, რომ შავ ზღვაში ბუნებრივი გაზის საბადო აღმოაჩინეს

თურქეთის პრეზიდენტის, რეჯებ თაიპ ერდოღანის განცხადებით, შავ ზღვაში, თურქეთის ტერიტორიულ წყლებში, ბუნებრივი აირის დიდი მარაგი აღმოაჩინეს, რომლის მოცულობა დაახლოებით 135 მილიარდი კუბური მეტრია.

საბადო თურქულმა მბურღავმა გემმა, „ფატიხმა“ აღმოაჩინა.

ერდოღანმა განაცხადა, რომ დაგეგმილია ზღვიდან გაზის სამ ეტაპად მოპოვება:

პირველ ეტაპზე ზღვის ფსკერზე დამონტაჟდება  სპეციალური სისტემა ბუნებრივი გაზის მოსაპოვებლად, მეორე ეტაპზე მოეწყობა სისტემა ზღვიდან ხმელეთზე გადასატანად, მესამე ეტაპზე კი – მილსადენი, რომელიც უზრუნველყოფს კავშირს ზღვაში და ხმელეთზე დამონტაჟებულ სისტემებს შორის.

___________

ფოტო: www.timeturk.com

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com