„სინოვაკის“ აცრისთვის რეგისტრაციის გავლა 21 მაისიდან იქნება შესაძლებელი, აცრა კი, 24 მაისიდან ანუ მომავალი კვირის ორშაბათიდან დაიწყება.
ამის შესახებ დაავადებათა კონტროლისა და საზოგადოებრივი ჯანდაცვის ეროვნული ცენტრის ფეისბუქზე პირდაპირ ჩართვაში განაცხადეს.
ჩინური წარმოების „სინოვაკს“ ჯანდაცვის მსოფლიო ორგანიზაციის გადაუდებელი მოხმარების ავტორიზაცია ჯერჯერობით არ აქვს.
„სინოვაკი“ ინაქტივირებული ვაქცინაა, რომელსაც ჩინური კერძო კომპანია აწარმოებს. 100 000 დოზა „სინოვაკის“ ვაქცინა საქართველოს ჩინეთის მთავრობამ აჩუქა.
