მთავარი,სიახლეები

ნუ შეუწყობთ ხელს კონფლიქტის ეთნიკურ დაპირისპირებაში გადაზრდას – შსს დმანისის მოვლენებზე

17.05.2021 • 1781
ნუ შეუწყობთ ხელს კონფლიქტის ეთნიკურ დაპირისპირებაში გადაზრდას – შსს დმანისის მოვლენებზე

დმანისში მიმდინარე დაპირისპირებაზე განცხადებას ავრცელებს შინაგან საქმეთა სამინისტრო.

შსს დმანისში შეკრებილ მოქალაქეებს მოუწოდებს, დაიცვან კანონის მოთხოვნები და შეინარჩუნონ სიმშვიდე.

„პოლიცია იმოქმედებს მისთვის მინიჭებული მანდატის ფარგლებში და რეაგირებას მოახდენს კანონდარღვევის ნებისმიერ ფაქტზე.

შინაგან საქმეთა სამინისტროს მიერ ჩატარებული საგამოძიებო ღონისძიებებით ამ ეტაპზე დადგენილია, რომ მიმდინარე წლის 16 მაისს დმანისში ყოფით ნიადაგზე ადგილობრივები დაუპირისპირდნენ ერთმანეთს, რაც გადაიზარდა ჯგუფურ ძალადობაში. პოლიციის მიერ იდენტიფიცირებულია დაპირისპირებაში მონაწილე პირების ვინაობა, გამოძიების ფარგლებში ტარდება ყველა აუცილებელი საგამოძიებო და საპროცესო მოქმედება,“ – ნათქვამია შინაგან საქმეთა სამინისტროს განცხადებაში.

შინაგან საქმეთა სამინისტრო მოუწოდებს დაპირისპირებულ მხარეებს, დაემორჩილონ პოლიციის კანონიერ მოთხოვნებს და შეინარჩუნონ სიმშვიდე, რათა ხელი არ შეეწყოს ყოფით ნიადაგზე დაწყებული კონფლიქტის ხელოვნურად ეთნიკურ დაპირისპირებაში გადაზრდას.

მთავარი ფოტო: ფარიდ ასკერი

ამავე თემაზე:

დაპირისპირება ეთნიკურად ქართველებსა და აზერბაიჯანელებს შორის დმანისში

გადაბეჭდვის წესი