Batumelebi | ინგლისური წიგნები ხულოს | აჭარისწყალი ჯორჯია აგრძელებს ადგილობრივი თემების მხარდაჭერას ინგლისური წიგნები ხულოს | აჭარისწყალი ჯორჯია აგრძელებს ადგილობრივი თემების მხარდაჭერას – Batumelebi
RU | GE  

ინგლისური წიგნები ხულოს | აჭარისწყალი ჯორჯია აგრძელებს ადგილობრივი თემების მხარდაჭერას

კომპანია “აჭარისწყალი ჯორჯიამ” ხულოს რესურსცენტრს ინგლისურენოვანი წიგნები გადასცა. მათ შორის ისეთი ავტორების წიგნებია, როგორებიც არიან უილიამ შექსპირი, ვირჯინია ვულფი, ჰერმან ჰესე, ჰომეროსი, ო ჰენრი და სხვები.

რესურსცენტრის ბაზაზე იგეგმება ინგლისურენოვანი ბიბლიოთეკის მოწყობა, რომლის გამართვაშიც რესურსცენტრმა დახმარება სთხოვა კომპანიას. ერთობლივი მოლაპარაკებებისა და დაგეგმვის შემდეგ, წიგნები უკვე ხულოშია და მკითხველს ელის.

ედუარდ მიქელაძე, ხულოს რესურსცენტრის უფროსი

“ზოგადად, ინგლისური ენის ცოდნის მხრივ, ხულოს მუნიციპალიტეტში საკმაოდ კარგი შედეგები გვაქვს. მოსწავლეებისგან ვგრძნობდით, რომ იყო მოთხოვნა ინგლისურენოვან ლიტერატურაზე. ბუნებრივია, ჩვენ ეს მოთხოვნა გავითვალისწინეთ და მივმართეთ „აჭარისწყალი ჯორჯიას“, რომელიც დაგვეხმარა და გადმოგვცა ინგლისური წიგნები.

ვფიქრობთ, ბიბლიოთეკის აქტიური მომხმარებლები სკოლის მოსწავლეებთან ერთად, იქნებიან მუნიციპალიტეტში დასაქმებული ინგლისური ენის პედაგოგებიც. ნამდვილად დიდი შენაძენია ჩვენთვის და მინდა მადლობა გადავუხადო „აჭარისწყალი ჯორჯიას“ თანადგომისთვის“, – აცხადებს ედუარდ მიქელაძე, რესურსცენტრის უფროსი ხულოში.

„აჭარისწყალი ჯორჯია“ მიერ ინგლისურენოვანი ლიტერატურის საჩუქრად გადაცემას წინ უძღოდა ხულოს რესურსცენტრის დირექტორის მომართვა კომპანიისადმი. რესურსცენტრი გვთხოვდა დახმარებას და გვერდით დგომას წიგნების ბაზის გამრავალფეროვნებაში, რადგანაც ადგილობრივ მოსწავლეებსა და მასწავლებლებს არ ჰქონდათ წვდომა უცხოენოვან ლიტერატურასთან.

რა თქმა უნდა, განათლების ხელშეწყობა ჩვენთვის პრიორიტეტულია და დღევანდელი დღეც ამის გამოხატულებაა. მართალია, ჩვენი პროექტი უკვე დასრულდა და ჰესი შევიდა ექსპლუატაციაში, მაგრამ ჩვენ ვაგრძელებთ ადგილობრივი თემების მხარდაჭერას და სამომავლოდ დაგეგმილი გვაქვს არაერთი სოციალური პროექტის განხორციელება”, – ამბობს ნინო დიასამიძე, „აჭარისწყალი ჯორჯიას“ სოციალური პასუხისმგებლობის მიმართულების ხელმძღვანელი.

ხულოს რესურსცენტრი

 


კომპანია „აჭარისწყალი ჯორჯია“ შუახევი ჰესის მშენებლობის დაწყების პირველივე ეტაპიდან დღემდე არაერთ საგანმანათლებლო პროექტს ახორციელებს მაღალმთიან აჭარაში.

ჯამურად განათლების და ცნობიერების ამაღლების აქტივობებში კომპანიამ უკვე 1 მილიონ ლარზე მეტი დახარჯა.

განათლების ხელშეწყობის მიზნით კომპანია „აჭარისწყალი ჯორჯიამ“ განახორციელა შემდეგი პროექტები:

მაღალმთიანი აჭარის სტუდენტთა დაფინანსება

– პროგრამის ფარგლებში კომპანიამ 23 სტუდენტს სწავლის საფასური დაუფინანსა ბაკალავრიატის საფეხურზე;

– სტუდენტთა სტაჟირების პროგრამა – პროექტის ფარგლებში, საქართველოს ტექნიკური უნივერსიტეტის ენერგეტიკული ფაკულტეტის 6-მა სტუდენტმა გაიარა თეორიული და პრაქტიკული სწავლების კურსი. სტუდენტებმა როტაციის პრინციპით იმუშავეს სხვადასხვა ობიექტზე, მონაწილეობა მიიღეს ელექტროსადგურისა და კაშხლების მშენებლობაში, ასევე ჩართულნი იყვნენ გვირაბის გაყვანის სამუშაოებში;

ინგლისური ენის მოსამზადებელი კურსები ერთიანი ეროვნული გამოცდისთვის

– „აჭარისწყალი ჯორჯიამ“ გახსნა მოსამზადებელი კურსები ღურტის, სხალთას, დაბა ხულოსა და დაბა შუახევის საჯარო სკოლებში. 2 წლის განმავლობაში მოსამზადებელი კურსები 212 მოსწავლემ გაიარა. პროგრამაში ჩართული იყვნენ ინგლისური ენის ადგილობრივი პედაგოგები.

ინგლისური ენის საპილოტე პროგრამა

– აღნიშნული პროგრამა მიზნად ისახავდა ადგილობრივი საჯარო სკოლის მოსწავლეების და ინგლისური ენის მასწავლებლების ენობრივი უნარ-ჩვევების გაუმჯობესებას. პროგრამაში ჩართული იყო ხულოსა და შუახევის მუნიციპალიტეტების 40 ინგლისური ენის მასწავლებელი. ცნობიერები ამაღლების ტრენინგები:

ცნობიერების ამაღლების ტრენინგები საგზაო უსაფრთხოებაში.

– ცნობიერების ამაღლების ტრენინგები ჯანდაცვის საკითხებში. აღნიშნული პროგრამის მიზანი იყო აჭარის მაღალმთიანეთში მცხოვრები მოსახლეობის ინფორმირებულობის გაზრდა ისეთი დაავადებების მიმართ როგორიც არის: ძუძუს კიბოს და მისი ადრეულ ეტაპზე გამოვლენის შესაძლებლობები, იმუნოდეფიციტური ვირუსი, ჰეპატიტები, სექსუალური გზით გადამდები დაავადებები, შიდსი და ა.შ. ასევე ახალგაზრდებში ჯანსაღი ცხოვრების წესის დამკვიდრების ხელშეწყობა და წახალისება.

საგანმანათლებლო ღონისძიებების პარალელურად კომპანიამ განახორციელა არაერთი ინფრასტრუქტურული პროექტი, რომელიც მიმართული როგორც სასკოლო ასევე, სკოლამდელი აღზრდისა და განათლების დაწესებულებების მოსაწესრიგებლად.

– სპორტული დარბაზების რეაბილიტაცია;

– საჯარო სკოლის ბიბლიოთეკების რეაბილიტაცია, ინვენტარითა და წიგნადი ფონდით აღჭურვა; სკოლის ეზოების მოწესრიგება;

– საბავშვო ბაღის მშენებლობა და ა.შ.

აღნიშნული ღონისძიებების ფარგლებში კეთილმოეწყო 14 სოფლის საჯარო სკოლა


„შუახევი ჰესის“ მშენებლობა მაღალმთიან აჭარაში, ხულოსა და შუახევის მუნიციპალიტეტების ტერიტორიაზე განხორციელდა. კომპანია „აჭარისწყალი ჯორჯია“  პროექტის მშენებლობის ეტაპზე წარმოადგენდა აჭარის რეგიონის უმსხვილეს დამსაქმებელს, რომელმაც 1000-ზე მეტი სამუშაო ადგილი შექმნა ადგილობრივი მოსახლეობისთვის.

ნეტგაზეთის მასალების სხვა გამოცემებში გადაბეჭდვის წესი
ავტორი