ბათუმის მერიის ცნობით, ბარცხანის ხიდის რეკონსტრუქციისა და გოგოლის ქუჩისა და ხიდის რეაბილიტაციის ფარგლებში, სატრანსპორტო მოძრაობა შეზღუდულია ბარცხანის ხიდისა და გოგოლის ქუჩის მიმართულებით.
შეზღუდვის ფარგლებში, თამარის გზატკეცილით მოძრავი ავტომობილების მძღოლები სვლას განაგრძობენ ცენტრალურ მაგისტრალზე, ქალაქის მიმართულებით.
მერიის ინფორმაციით, ქალაქში შემომავალი სატვირთო ავტომობილების მოძრაობა შესაძლებელია გოგებაშვილის ქუჩაზე არსებულ შუქნიშნამდე, შემდეგ კი, მარცხნივ, რკინიგზის გადაკვეთით, მაიაკოვსკის ქუჩისა და გოგოლის ქუჩის წრიულის გავლით, ბაგრატიონის ქუჩისკენ.
ბაგრატიონის ქუჩიდან შემომავალი სატვირთო ავტომობილები მაიაკოვსკის ქუჩის გავლით გადაკვეთენ სარკინიგზო კვანძს და გოგებაშვილის ქუჩით შეუერთდებიან მთავარ გზას.
რაც შეეხება ჩაისუბნის მიმართულებით მოძრავ მსუბუქ ავტომობილებს, გადაადგილება შესაძლებელი იქნება მაიაკოვსკის ქუჩიდან სვიშევსკის, შემდგომ კი, შინდისის ქუჩის გავლით.
სარეაბილიტაციო სამუშაოები წელს, დეკემბერში უნდა დასრულდეს.
ამავე თემაზე:
https://batumelebi.netgazeti.ge/news/341086/?fbclid=IwAR2ODrOI4aOmSvjrMf8LmAhA3LLdQBqWNjwobLjKbfLNwLfVIRZq5ywI9MU
