Batumelebi | ბათუმის სამშობიარო სახლში 11 კოვიდინფიცირებული ორსულია ბათუმის სამშობიარო სახლში 11 კოვიდინფიცირებული ორსულია – Batumelebi
RU | GE  

ბათუმის სამშობიარო სახლში 11 კოვიდინფიცირებული ორსულია

ბათუმის ჩარკვიანის სახელობის სამშობიარო სახლში 5 მაისის მონაცემებით 11  კოვიდინფიცირებული ორსულია.

სამშობიარო სახლის დირექტორი ნუგზარ პაპავა ამბობს, რომ ინფიცირებული ორსულების ჯანმრთელობის მდგომარეობა დამაკმაყოფილებელია.

დღეის მონაცემებით ბათუმის სამშობიარო სახლში 20 საწოლია მობილიზებული კორონავირუსით ინფიცირებული პაციენტებისთვის. ნუგზარ პაპავას თქმით, ყველაზე მეტი პაციენტი კლინიკას ნოემბერში ჰყავდა, როცა სამშობიარო სახლში 37 ინფიცირებული იყო.

ბოლო კვირებია აჭარაში კორონავირუსით ინფიცირებულთა რაოდენობა იზრდება. დღეს აჭარაში კოვიდით ინფიცირების 135 ახალი შემთხვევა დადასტურდა. საქართველოს რეგიონებს შორის აჭარა მეორე ადგილზეა კოვიდის გავრცელების სიხშირით თბილისის შემდეგ.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com