Batumelebi | ინდურ შტამზე დიდ აჟიოტაჟს ნუ შევქმნით – გამყრელიძე ინდურ შტამზე დიდ აჟიოტაჟს ნუ შევქმნით – გამყრელიძე – Batumelebi
RU | GE  

ინდურ შტამზე დიდ აჟიოტაჟს ნუ შევქმნით – გამყრელიძე

დაავადებათა კონტროლის ეროვნული ცენტრის დირექტორი ამირან გამყრელიძე ამბობს, რომ არ აქვს ინფორმაცია ქვეყანაში ინდური შტამის არსებობის შესახებ. თუმცა არ გამორიცხავს, რომ შესაძლოა ინდური შტამიც დაფიქსირდეს.

„ამ ინდურ შტამზე ნუ შევქმნით აჟიოტაჟს, რადგან ინდოეთში ძლიერი ეპიდაფეთქება მხოლოდ ინდური შტამით არ არის გამოწვეული, იქ პრევალირებს ბრიტანული შტამი. ის ეგრეთ წოდებული ორმაგი მუტაცია, ინდურ შტამს რასაც ეძახიან, არის, მაგრამ ის არის უმცირესობაში.

უმრავლესობაში არის ბრიტანული შტამი. ამიტომ, რაღაც დროის შემდეგ ეს შტამები ყველა ქვეყანაში გაჩნდება და ამის გამო ბუას ნუ შევქმნით,“- განაცხადა ამირან გამყრელიძემ დღეს, 4 მაისს, საკოორდინაციო საბჭოს სხდომის შემდეგ, ჟურნალისტებთან შეხვედრისას.

მისი თქმით, ჯერჯერობით ვაქცინები მეტ-ნაკლები ეფექტურობით ფარავენ მუტირებულ შტამებს.

გამყრელიძის თქმით, ამ დროისთვის ქვეყანაში 100 ათასი დოზა სინოფარმია შემოტანილი, დაჯავშნილია 18 ათასი დოზა.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com