გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის ცნობით, 25 აპრილის 21 საათიდან 26 აპრილის 21 საათამდე აჭარაში მოსალოდნელია ცვალებადი მოღრუბლულობა, ღამით და დილით – უმეტესად უნალექოდ.
ხვალ, 26 აპრილს, დღის მეორე ნახევრიდან დროგამოშვებით ელვა-ჭექა და წვიმაა მოსალოდნელი.
იქროლებს ცვალებადი მიმართულების ქარი 10-15 მეტრი წამში.
ჰაერის ტემპერატურა სანაპირო და შიდამთიან რაიონებში იქნება:
- დღისით: 17 – 22 გრადუსი სითბო
- ღამით: 8 – 13 გრადუსი სითბო
მაღალ მთაში მოსალოდნელია:
- დღისით: 10 – 15 გრადუსი სითბო
- ღამით: 3 – 8 გრადუსი სითბო
სინოპტიკოსების ცნობით, 27 აპრილს ღამით და დილით დროგამოშვებით წვიმა და ელვა-ჭექაა მოსალოდნელი, თუმცა დღის მეორე ნახევრიდან გამოიდარებს და შემდეგ ორ დღეს, 28-29 აპრილს, მოსალოდნელია უმეტესად უნალექო ამინდი.