Batumelebi | გოლეთიანი წულუკიძეების საქმეზე: მუსლიმი ძმების უარყოფითი განწყობა მოწინააღმდეგების ინტერესშია გოლეთიანი წულუკიძეების საქმეზე: მუსლიმი ძმების უარყოფითი განწყობა მოწინააღმდეგების ინტერესშია – Batumelebi
RU | GE  

გოლეთიანი წულუკიძეების საქმეზე: მუსლიმი ძმების უარყოფითი განწყობა მოწინააღმდეგების ინტერესშია

„ის, რაც ჩვენ გვაზიანებს, არის ის, რომ ჩვენს მუსლიმ ძმებს ჩვენი მისამართით უარყოფითი დამოკიდებულება გაუჩნდათ, ეს არის დამაზიანებელი მოძრაობისთვის, ამ საქმისთვის, ამიტომ ეს შედის ჩვენი მოწინააღმდეგების ინტერესებში და მათგან არის მართული,“ – მიმართა დღეს, 16 აპრილს ფეისბუქლაივით რიონის ხეობის მცველმა, ვარლამ გოლეთიანმა დაკავებულ წულუკიძეებს და ჭელიძეებს, რომლებიც 12 აპრილს ნამახვენჰესის წინააღმდეგ საპროტესტო აქციაში მონაწილეობდნენ, 15  აპრილს კი, დააკავეს. ძმები წულუკიძეებისა და ჭელიძეებისთვის აღკვეთი ღონისძიების შეფარდების საკითხს დღეს, 16 აპრილს განიხილავს ქუთაისის საქალაქო სასამართლო.

გამოძიების ვერსიით, ბრალდებულებმა 12 აპრილს ქუთაისში, გუმათჰესის დასახლებაში „ნამახვანჰესის” მშენებლობასთან დაკავშირებით მიმდინარე საპროტესტო აქციაზე, ჯგუფურად იძალადეს და ფიზიკური დაზიანებები მიაყენეს აქციაზე მყოფ სამ პირს. ასევე, დააზიანეს ერთ-ერთი დაზარალებულის კუთვნილი ავტომანქანა.

ვარლამ გოლეთიანის თქმით, ის არ იცნობს ავთანდილ ახვლედიანს, რომელიც ამ საქმეზე დაზარალებულია და გამოძიების ვერსიით, ფიზიკური დაზიანებები მიაყენეს ბრალდებულებმა.

„ვიღაც ავთო ახვლედიანი ამბობს, რომ კავშირი აქვს ჩვენს აქციებთან, ხშირად დადის და შემდეგ მან იჩივლა, ჩვენ ამ ყველაფერთრან არანაირი კავშირი არ გვაქვს, არც ბატონ ავთოს არ ვიცნობთ, არანაირი კავშირი ამ ამბავთან არ გვაქვს,“ – აღნიშნა ვარლამ გოლეთიანმა.

რიონის ხეობის მცველმა ფეისბუქლაივის დროს მიმართა, როგორც ავთანდილ ახვლედიანს, ასევე ბრალდებულებს:

„მინდა ვთხოვო ჩემს მუსლიმან ძმეს, რომ არანაირი კავშირი ჩვენ ამ ამბავთან არ გვაქვს და გთხოვთ, არასწორი შეფასებები ნუ მოჰყვება ამ ყველაფერს… მინდა ბატონ ავთო ახვლედიანს მოვუწოდო, რომ თუ ის გვიცნობს ჩვენ და ზოგადად ჩვენს აქციებზე დადის, მოვიდეს და მოგვიყვეს ამბავი, რა მოხდა იმ დროს, რადგან მე პირადად ნამდვილად არ ვიცი ამ ცემის ფაქტის შესახებ, არ შევსწრებივარ და არც უახლოეს ჩვენს გარემოცვას არ მოუყოლია აქ ამის შესახებ,“ – აღნიშნა ვარლამ გოლეთიანმა.

 

ნეტგაზეთის მასალების სხვა გამოცემებში გადაბეჭდვის წესი
ავტორი