Batumelebi | დეიდას დაჭრის გამო ბათუმში ერთი პირი დააკავეს დეიდას დაჭრის გამო ბათუმში ერთი პირი დააკავეს – Batumelebi
RU | GE  

დეიდას დაჭრის გამო ბათუმში ერთი პირი დააკავეს

შსს-ს ინფორმაციით,  ბათუმში 1995 წელს დაბადებული, წარსულში ნასამართლევი ლ.კ. განზრახ მკვლელობის მცდელობის ბრალდებით დააკავეს.

შემთხვევა ბათუმში 9 აპრილს, საღამოს მოხდა. „ბათუმელების“ ინფორმაციით, 50 წლამდე ქალი მისმა დისშვილმა დაჭრა.

„გამოძიებით დადგინდა, რომ ბრალდებულმა მიმდინარე წლის 9 აპრილს, ბათუმში, ურთიერთშელაპარაკებისას, 1967 წელს დაბადებული ნ.შ. ცივი იარაღის გამოყენებით ზურგის არეში დაჭრა და შემთხვევის ადგილიდან მიიმალა. დაჭრილი ქალი სამედიცინო დაწესებულებაში მოათავსეს. მის სიცოცხლეს საფრთხე არ ემუქრება,“ – ნათქვამია შსს-ს  განცხადებაში.

პოლიციამ ლ.კ. მოსამართლის განჩინების საფუძველზე, ბათუმში დააკავა. „ნივთმტკიცების სახით ამოღებულია დანაშაულის ჩადენის იარაღი – დანა“ – წერს შსს.

განზრახ მკვლელობის მცდელობის ფაქტზე გამოძიება საქართველოს სსკ-ის 19-108-ე მუხლით მიმდინარეობს.

დანაშაული 7-დან 15 წლამდე ვადით თავისუფლების აღკვეთას ითვალისწინებს.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com