ბოლო 24 საათში აჭარაში კორონავირუსის 61 ახალი შემთხვევა დადასტურდა. დროის ამავე პერიოდში გამოჯანმრთელდა – 55 პაციენტი. პანდემიის დაწყებიდან დღემდე აჭარის რეგიონში ოფიციალურად 36 414 პაციენტი გამოჯანმრთელდა ვირუსისგან.
10 აპრილის მონაცემებით აჭარაში მდებარე კლინიკებში კორონავირუსზე კლინიკაში მკურნალობს 289 პაციენტი, კოვიდ სასტუმროში 106, ხოლო სახლში 340.
რაც შეეხება მთლიანად საქართველოს, ბოლო 24 საათში ქვეყანაში კორონავირუსით ინფიცირების 707 ახალი შემთხვევა დადასტურდა.