Batumelebi | რატომ გამოუშვეს კაცი, რომელიც ბათუმის ეპარქიის რეზიდენციაში დანით შეიჭრა რატომ გამოუშვეს კაცი, რომელიც ბათუმის ეპარქიის რეზიდენციაში დანით შეიჭრა – Batumelebi
RU | GE  

რატომ გამოუშვეს კაცი, რომელიც ბათუმის ეპარქიის რეზიდენციაში დანით შეიჭრა

კაცი, რომელიც გუშინ ბათუმისა და ლაზეთის ეპარქიის რეზიდენციაში დანით შეიჭრა, თავისუფალია. ეპარქიის პრესსამსახურის უფროსის, იოანე გორელიშვილის თქმით,   მიტროპოლიტ დიმიტრის თხოვნით გამოუშვეს ბრალდებული წინასწარი დაკავების იზოლატორიდან.

„გუშინ ღამე დაუბრუნეს ოჯახს, ეპარქია არ უჩივის,“ – გვითხრა იოანე გორელიშვილმა.

იოანე გორელიშვილის თქმით, კაცმა, რომელიც  ეპარქიაში შეიჭრა, „ვერ განსაზღვრა, სად შემოვიდა  და რა უნდოდა“.

„მან შემდეგ ბოდიში მოგვიხადა მომხდარის გამო, იყო ნასვამი და ვერ განსაზღვრა, სად შემოვიდა, რა უნდოდა, გამოხატავს სინანულს და სიყვარულს ეკლესიის მიმართ, ვერ მიხვდა, რა გააკეთა… არავითარი განზრახვით ის ეპარქიაში არ შემოსულა,“ – ამბობს იოანე გორელიშვილი.

შინაგან საქმეთა სამინისტროს ინფორმაციით, გამოძიება დაწყებულია მუქარის მუხლით. უწყების პრესცენტრში არ აზუსტებენ, დაკავებულია თუ არა ბრალდებული.

ნეტგაზეთის მასალების სხვა გამოცემებში გადაბეჭდვის წესი
ავტორი