საქართველოში ღამით გადაადგილება 2020 წლის 26 ნოემბრიდან შეზღუდულია.
დღეს, 6 აპრილს, საქართველოს ჯანდაცვის მინისტრის მოადგილემ, თამარ გაბუნიამ ბრიფინგზე განაცხადა, რომ ღამის 9 საათიდან დილის 5 საათამდე მოძრაობის შეზღუდვის შენარჩუნება მნიშვნელოვანია ეპიდემიოლოგიური სიტუაციის სამართავად.
„დღეს ეპიდემიური მდგომარეობა არის უკიდურესად სარისკო. ღამით მოძრაობის შეზღუდვა არის ერთ-ერთი ქმედითი მექანიზმი, რომელიც ჩვენ შემთხვევების უკონტროლო მატების და მობილობის კონტროლის საშუალებას გვაძლევს.
წმინდა ეპიდემიოლოგიური მოსაზრებებიდან გამომდინარე, ამ შეზღუდვის მოხსნა არის აბსოლუტურად გაუმართლებელი და ვფიქრობ, სამოქალაქო საზოგადოება უნდა იყოს პირველი, რომელიც თავად დაუჭერს საზოგადოებაში ეპიდემიის გავრცელების რისკების შემცირებას,“ – განაცხადა თამარ გაბუნიამ.
