მთავარი,სიახლეები

კომენდანტის საათის დარღვევა და სტიკეტები „ოცნების“ ბათუმის ოფისზე – Live

03.04.2021 • 2846
კომენდანტის საათის დარღვევა და სტიკეტები „ოცნების“ ბათუმის ოფისზე – Live

„არა კომენდანტს“, „გახსენით ქვეყანა“, – სკანდირებენ ბათუმის ქუჩებში აქციის მონაწილეები. დღეს, 3 აპრილს, საპროტესტო აქცია კომენდანტის საათის გაუქმების მოთხოვნით ბათუმშიც იმართება. აქციის მონაწილეები ქუჩაში 21:00 საათის შემდეგ გამოვიდნენ და ამ წუთებში დემონსტრაციულად არღვევენ ეგრეთ წოდებულ კომენდანტის საათს.

საპროტესტო აქციის მონაწილეებმა, მცირერიცხოვანმა ჯგუფმა, კომენდანტის საათის გაუქმების მოთხოვნით მოაწყო საპროტესტო მსვლელობაც. ისინი „ქართული ოცნების“ ოფისთან მივიდნენ და დეპუტატ გია ვოლსკის 2 აპრილის უცენზურო ჟესტს გამოეხმაურნენ იგივე შინაარსის შემცველი სტიკერების გაკვრით. მათ ხელს უშლიდა პოლიცია.

აქციის დღეს თბილისშიც იმართება – რუსთაველის გამზირი უკვე გადაიკეტა. აქციის მონაწილეებმა ადგილზე მიიტანეს გალიები, რომლებზეც ხელისუფლების წარმომადგენელთა ფოტოებია მიმაგრებული.

კომენდანტის საათი საქართველოში 2020 წლის ნოემბრიდან მოქმედებს. ეს შეზღუდვა დაწესებულია კორონავირუსის პრევენციის მიზნით.

აქცია კომენდანტის საათის გაუქმების მოთხოვნით. ბათუმი. 3 აპრილი

მთავარი ფოტო: სტიკერები „ქართული ოცნების“ ოფისზე. აქციის მონაწილეები დეპუტატ გია ვოლსკის უცენზურო ჟესტს ასე გამოეხმაურნენ

გადაბეჭდვის წესი


ასევე: