დასაქმების ხელშეწყობის სახელმწიფო სააგენტოს ინფორმაციით, მარტის თვის 200-ლარიანი კომპენსაციის ჩარიცხვა უკვე დაწყებულია. თანხა ამჯერად 130 645 პირს ჩაერიცხება, ჯამში – 26 129 00 ლარი.
სააგენტოს მონაცემებით, დღეის მდგომარეობით თებერვლის თვის 200-ლარიანი კომპენსაცია ჩაერიცხა 139 618 პირს, იანვრის თვეში კი – 106 362 პირს.
კომპენსაციას იღებენ ის მოქალაქეები, რომლებმაც პანდემიის შედეგად დაკარგეს სამსახური. კომპენსაციები 2021 წლის ივნისის თვის ჩათვლით გაიცემა.
200-ლარიანი დახმარების მიღების მიზნით, განაცხადის წარდგენა შესაძლებელია მომხმარებლის ავტორიზებული გვერდიდან. განაცხადს წარადგენს დამსაქმებელი და არა ის პირი, ვინც პანდემიის გამო უმუშევარი დარჩა ან დაკარგა სამსახური.
ამასთან, მოქალაქეს საშუალება აქვს გადაამოწმოს, არის თუ არა 200-ლარიანი კომპენსაციის მიმღებ პირთა სიაში.
გადასამოწმებლად გადადით ბმულზე
დამატებითი ინფორმაციის მისაღებად, შეგიძლიათ დაუკავშირდეთ შემოსავლების სამსახურის საინფორმაციო სატელეფონო ცენტრს: 2 299 299 ან მიწეროთ ელექტრონულ მისამართზე info@rs.ge.
ვის ეკუთვნის კომპენსაცია შეგიძლიათ ნახოთ ამ ბმულზე:
https://batumelebi.netgazeti.ge/news/322544/
