საქართველოს მთლიანმა საგარეო ვალმა, ეროვნული ბანკის ინფორმაციით, 2020 წლის 31 დეკემბრის მდგომარეობით 20.3 მილიარდი აშშ დოლარი [66.5 მილიარდი ლარი] შეადგინა, რაც 2020 წლის მშპ-ს 127.7 პროცენტია.
ბანკის ინფორმაციით, 2020 წლის მეოთხე კვარტალში საქართველოს მთლიანი საგარეო ვალი 640.1 მლნ აშშ დოლარით გაიზარდა. აქედან, ოპერაციული ცვლილებების გამო ვალი 328.3 მლნ. აშშ დოლარით გაიზარდა, საკურსო ცვლილებების გამო – 276.4 მლნ. აშშ დოლარით, ხოლო ფასის და სხვა ცვლილებების გამო ვალი შესაბამისად – 34.1 მლნ. აშშ დოლარით და 1.2 მლნ. აშშ დოლარით გაიზარდა.
მთლიანი საგარეო ვალი მოიცავს სახელმწიფო [სამთავრობო სექტორი, სახელმწიფო საწარმოები და ეროვნული ბანკი] და კერძო სექტორის [საბანკო და სხვა სექტორები] საგარეო ვალს.
ეროვნული ბანკის მონაცემებით: „სახელმწიფო საგარეო ვალმა შეადგინა 9.7 მლრდ აშშ დოლარი (31.9 მლრდ ლარი), რომლიდანაც სამთავრობო სექტორის ვალია 7.4 მლრდ აშშ დოლარი, ეროვნული ბანკის ვალდებულებები – 583.2 მლნ აშშ დოლარი, ხოლო სახელმწიფო საწარმოების ობლიგაციები და სესხები, შესაბამისად, 802.7 მლნ აშშ დოლარი და 923.6 მლნ აშშ დოლარი.
საბანკო სექტორის საგარეო ვალმა შეადგინა 4.4 მლრდ აშშ დოლარი, სხვა სექტორების საგარეო ვალმა – 4.6 მლრდ აშშ დოლარი და კომპანიათაშორისო ვალმა – 3.2 მლრდ აშშ დოლარი. მთლიანი საგარეო ვალის 92.1 პროცენტი დენომინირებულია უცხოური ვალუტით“.
—
2020 წლის 31 მარტის მდგომარეობით, საქართველოს მთლიანი საგარეო ვალი 18.3 მილიარდი აშშ დოლარი (60.1 მილიარდი ლარი) იყო:
საქართველოს მთლიანი საგარეო ვალი 18.3 მილიარდი აშშ დოლარია – სები
