14 მარტის მონაცემებით, ბოლო 24 საათში საქართველოში კორონავირუსის 268 ახალი შემთხვევა დადასტურდა. სულ ჩატარდა 26 399 კვლევა ტესტით.
ბოლო დღე-ღამის განმავლობაში კოვიდით ქვეყანაში 5 პაციენტი გარდაიცვალა.
13 მარტის მდგომარეობით, საქართველოში დადებითობის დღიური მაჩვენებელი 1.02 პროცენტია, ბოლო 14 დღის მანძილზე – 1.51 %, ხოლო 7 დღის მანძილზე – 1.46%.
დღეს ქვეყანაში გამოვლენილი ინფიცირების 268 ახალი შემთხვევიდან ყველაზე მეტი, 141 ახალი შემთხვევა თბილისში გამოვლინდა.
ამ ეტაპზე საქართველოში კოვიდის 3 078 აქტიური შემთხვევაა. 1 338 ადამიანი მკურნალობს საავადმყოფოში, მათგან ხელოვნური სუნთქვის აპარატზე იმყოფება 75 პირი.
1 604 პირი ვირუსის მკურნალობის კურსს გადის საცხოვრებელ ბინაზე.
დღეის მონაცემებით თვითიზოლაციაში იმყოფება 5 499 ადამიანი, მათ შორის თბილისში – 2 548 პირი, აჭარაში – 492, იმერეთში – 647.
