მსოფლიო ბანკის COVID19-ის წინააღმდეგ სწრაფი რეაგირების პროექტის პრომოუშენისა და საქართველოში კოვიდზე ვაქცინაციის კუთხით მოსახლეობის ინფორმირებისთვის ჯანდაცვის სამინისტრო საკომუნიკაციო კომპანიას [კონსულტანტს] დაიქირავებს.
სამინისტრო კონსულტანტისგან სწრაფი რეაგირების პროექტის პრომოუშენის გარდა ითხოვს, რომ მან „უზრუნველყოს ყოვლისმომცველი, ზუსტი და მკაფიო ინფორმაციის გავრცელება ხელმისაწვდომი ვაქცინებისა და საქართველოს მთავრობის იმუნიზაციის გეგმაზე – კომუნიკაციის სხვადასხვა საშუალების გამოყენებით, რომ მოსახლეობამ შეძლოს ინფორმირებული არჩევანი კოვიდზე ვაქცინაციის შესახებ“.
„საქართველომ მსოფლიო ბანკისგან მიიღო დაფინანსება COVID19-ის წინააღმდეგ სწრაფი რეაგირების პროექტის განსახორციელებლად. აღნიშნული დაფინანსების გარკვეული ნაწილი გამოყენებული იქნება ხსენებული პროექტის ფარგლებში შესასყიდი საქონლის, სამუშაოების და საჭირო საკონსულტაციო მომსახურების ხარჯების ასანაზღაურებლად“, – აღნიშნულია სამინისტროს განაცხადში.
კონსულტანტის მიერ შესაბამისი მომსახურების ფასის დასადგენად სამინისტრო ამ ეტაპზე ბაზარს იკვლევს. დაინტერესებულმა პირებმა საკუთარი წინადადება სამინისტროს არაუგვიანეს 2021 წლის 22 მარტის 16:00 საათამდე, ელექტრონულად უნდა წარუდგინონ.
კონსულტანტს სამინისტრო, სავარაუდოდ, ერთი წლით დაიქირავებს.
[toggle title=”კონსულტანტის საჭირო კვალიფიკაცია ნახეთ აქ:“]
სამინისტროს ინფორმაციით, „კონსულტანტებს შეუძლიათ შექმნან ასოციაცია [მსოფლიო ბანკისთვის მისაღები ასოციაცია არის ქვეკონსულტაცია ან ერთობლივი საწარმო და წარდგინებაში ნათლად უნდა იყოს მითითებული ასოციაციის ხასიათი] მათი კვალიფიკაციის ასამაღლებლად. კომპანიის კორპორატიული გამოცდილების შეფასებისას ქვე-კონსულტანტების გამოცდილება არ იქნება გათვალისწინებული“.
კონსულტანტის საჭირო კვალიფიკაცია:
• მინიმუმ 5-წლიანი გამოცდილება სტრატეგიულ კომუნიკაციებსა და საზოგადოებასთან ურთიერთობაში.
• მინიმუმ შვიდი ანალოგიური მასშტაბის განხორციელებული პროექტი.
• სასურველია საერთაშორისო დონორ ორგანიზაციებთან და სამთავრობო უწყებებთან სამუშაო გამოცდილება.
• კომუნიკაციის საუკეთესო პრაქტიკის მინიმალური 5-წლიანი გამოცდილება [მაგ. ვებსაიტის შინაარსი და ბლოგინგი, სოციალური მედია, მედია, პრესრელიზები].
შეფასებისას მხედველობაში მიიღება მხოლოდ წარმატებით დასრულებული დავალებები.
[/toggle]
—
ჯანდაცვის მინისტრის ეკატერინე ტიკარაძის განცხადებით, კორონავირუსის ვაქცინის მიღების თარიღმა ერთი კვირით გადმოიწია და 22 მარტის კვირის ნაცვლად ქვეყანაში ვაქცინა 13 მარტიდან შემოვა. საუბარია „ასტრაზენეკას“ ვაქცინის 43 200 დოზაზე.
COVID19-ის საწინააღმდეგო ვაქცინის დანერგვისა და იმუნიზაციის მართვის წესი კი, ჯანდაცვის მინისტრის 3 თებერვლის ბრძანებით დამტკიცდა, რომელშიც ცვლილება 4 მარტს შევიდა.
ამავე თემაზე:
ბათუმის რესპუბლიკურს ეყოლება 3 ამცრელი ბრიგადა – კოვიდზე აცრის ჩატარების წესი