მთავარი,სიახლეები

ქედაში 2 თვის წინ მდინარის წაღებული ხიდი ჯერ არ აღუდგენიათ

09.03.2021 • 2957
ქედაში 2 თვის წინ მდინარის წაღებული ხიდი ჯერ არ აღუდგენიათ

ქედაში, სოფელ წონიარისში, ხიდი ამ დრომდე არ აღუდგენიათ. ხიდის ნაწილი ადიდებულმა აჭარისწყალმა 12 იანვარს წაიღო. მას შემდეგ ხიდზე გავლა შეუძლებელია. 

ადგილობრივების თქმით, მათ დამატებით დაახლოებით 12 კილომეტრის გავლა უწევთ იმისთვის, რომ შემოვლითი გზით შინ მისვლა შეძლონ.

„პროცესი დაჩქარებული წესით მიმდინარეობს,“ – მიიჩნევენ აჭარის გზების დეპარტამენტში. აქ ვერ გვითხრეს, რატომ ვერ მოხერხდა ამ დრომდე მინიმუმ ახალი ხიდის პროექტის მომზადება და ტენდერის გამოცხადება. გზების დეპარტამენტში ვერ აკონკრეტებენ, როდის ექნებათ წონიარისელებს ხიდი.

„დასკვნით ეტაპზეა საპროექტო და ექსპერტიზის პროცესი, რომელთა დასრულების შემდგომ უახლოეს პერიოდში გამოცხადდება ტენდერი სამუშაოს შესრულების შესყიდვაზე… აღნიშნულ პროცესებს ხიდის მოცულობისა და სირთულის გამო გარკვეული დრო დასჭირდა. ყველა ის პროცესი, საპროექტო და ექსპერტიზა დაჩქარებული წესით მიმდინარეობს,“ – მოგვწერეს აჭარის გზების დეპარტამენტის პრესცენტრიდან.

გადაბეჭდვის წესი


ასევე: