ადიდებულმა მდინარემ წონიარისის ხიდი წაიღო – ფოტო

ქედაში, სოფელ წონიარისში, მდინარე აჭარისწყალზე გადებული ხიდი წყალმა  წაიღო. ხიდის ერთი ნაწილი ჩაინგრა და მასზე გავლა  შეუძლებელია.

“აჭარისწყალი ადიდდა და წაიღო ერთი ბოძი. ადგილზე მისულია აჭარის გზების დეპარტამენტის თანამშრომლებიც. სოფლები გარესამყაროს  არაა მოწყვეტილი, შემოვლითი გზით შეუძლია მოსახლეობას სარგებლობა,” – უთხრა “ბათუმელებს” ქედის მერმა,  ლევან გორგილაძემ.

მერის ინფორმაციით, ადიდებულმა მდინარემ,  კიდევ ერთ ადგილას შექმნა პრობლემები. ე.წ. ჭადრებთან ელექტრო ბოძი წაიღო და ამჟამად მისი აღდგენითი სამუშაოები მიმდინარეობს.

წონიარისის ხიდი ადიდებულმა აჭარისწყალმა დააზიანა