დღეს, 6 მარტს, ბათუმში და აჭარის სანაპიროზე მზიანი და თბილი დღეა, თუმცა სინოპტიკოსების ცნობით, ღამით დასავლეთ საქართველოში გაავდრდება.
გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის ცნობით, 6 მარტის 21 საათიდან 7 მარტის 21 საათამდე აჭარაში მოსალოდნელია მოღრუბლულობა, დროგამოშვებით წვიმა, მთიან აჭარაში კი – თოვა.
იქროლებს დასავლეთის მიმართულების ქარი 10-15 მეტრი წამში.
ჰაერის ტემპერატურა სანაპირო რაიონებში იქნება:
- დღისით: 4 – 9 გრადუსი სითბო
- ღამით: 0 – 5 გრადუსი სითბო
მთიან მუნიციპალიტეტებში მოსალოდნელია:
- დღისით: 0 – 5 გრადუსი ყინვა
- ღამით: 5 – 10 გრადუსი ყინვა
ზღვაზე მოსალოდნელია 4-ბალიანი ღელვა.
„მოსალოდნელმა ძლიერმა ნალექმა შესაძლებელია დასავლეთ საქართველოს მდინარეებზე წყლის დონეების მნიშვნელოვანი მატება, ხოლო ქვეყნის მთიან ზონებში თოვლის ზვავების ფორმირება და მეწყრული პროცესების ჩასახვა – გააქტიურება გამოიწვიოს,“ – იუწყება გარემოს ეროვნული სააგენტო.