საქართველოში ბოლო 24 საათში 22 022 კვლევა ჩატარდა კორონავირუსზე და გამოვლინდა ვირუსით ინფიცირების 390 ახალი შემთხვევა.
ბოლო დღე-ღამის განმავლობაში საქართველოში კორონავირუსით 10 ადამიანი გარდაიცვალა. პანდემიის გავრცელებიდან დღემდე ვირუსს ჯამში 3 563 პირი ემსხვერპლა.
დღევანდელი მონაცემებით ქვეყანაში დადებითობის დღიური მაჩვენებელი არის 1.77 %, ბოლო 14 დღის მანძილზე – 1.62 %, ხოლო 7 დღის მანძილზე – 1.31%.
ამ ეტაპზე საქართველოში კოვიდით ინფიცირების 2 420 აქტიური შემთხვევაა, აქედან 1 379 ადამიანი მკურნალობს კოვიდკლინიკაში, მათგან 264 მძიმე პაციენტია.
887 ინფიცირებული საკუთარ სახლში მკურნალობს ვირუსის სიმპტომებს.
ქვეყანაში თვითიზოლაციაში იმყოფება 5 781 ადამიანი, მათ შორის თბილისში – 2 546 პირი, აჭარაში – 449 და 691 – იმერეთში.