Batumelebi | გერმანიაში დასაქმების პორტალზე 91 616 მოქალაქე დარეგისტრირდა – 26 თებერვალი გერმანიაში დასაქმების პორტალზე 91 616 მოქალაქე დარეგისტრირდა – 26 თებერვალი – Batumelebi
RU | GE  
გერმანია ბერლინი

გერმანიაში დასაქმების პორტალზე 91 616 მოქალაქე დარეგისტრირდა – 26 თებერვალი

დასაქმების ხელშეწყობის სახელმწიფო სააგენტოს ინფორმაციით, გერმანიაში სეზონური დასაქმების პროგრამაზე, 25 თებერვლის მონაცემებით, საქართველოს 91 616 მოქალაქე დარეგისტრირდა.

პირველ ეტაპზე გერმანიაში დასაქმებას საქართველოს 500 მოქალაქე შეძლებს [ანუ, ამ დროისთვის დარეგისტრირებულთა 0,54%].

საქართველოს მოქალაქეების გერმანიაში დროებით ლეგალურ დასაქმებაზე რეგისტრაცია 15 თებერვლიდან დაიწყო. დასაქმება შესაძლებელია სეზონურ სამუშაოებზე სოფლის მეურნეობის სექტორში, რაც სხვადასხვა სეზონური მოსავლის აღებას გულისხმობს.

დასაქმების სააგენტოს ინფორმაციით, გერმანიის შრომის ბაზარზე საქართველოს მოქალაქეებს დროებითი ლეგალური დასაქმება 1-დან 3 თვემდე ვადით შეეძლებათ. სეზონური სამუშაოები კი აპრილიდან დაიწყება.

რეგისტრაცია მთელი წლის განმავლობაში იქნება შესაძლებელი.

რეგისტრაცია: ამ ბმულზე

რეგისტრაციის ინსტრუქცია: გერმანიაში დასაქმების პროგრამაში რეგისტრაციის ინსტრუქცია

ხშირად დასმული კითხვები: 42 კითხვა და პასუხი გერმანიაში დროებით დასაქმებაზე

გერმანიაში სეზონურ სამუშაოებზე დასაქმების მსურველთა პორტალზე დარეგისტრირებული საქართველოს მოქალაქიდან პირველ ეტაპზე გერმანიაში მხოლოდ 500 დასაქმდება:

გერმანიაში 2021 წელს საქართველოს 500 მოქალაქე დასაქმდება

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com