Batumelebi | მედიკამენტი 5-NOK-ი რეგულირების სააგენტომ ბაზრიდან გამოითხოვა მედიკამენტი 5-NOK-ი რეგულირების სააგენტომ ბაზრიდან გამოითხოვა – Batumelebi
RU | GE  

მედიკამენტი 5-NOK-ი რეგულირების სააგენტომ ბაზრიდან გამოითხოვა

სამედიცინო და ფარმაცევტული საქმიანობის რეგულირების სააგენტო ფარმაცევტული პროდუქტის – 5-NOK-ის ბაზრიდან გამოთხოვის შესახებ ინფორმაციას ავრცელებს.

სააგენტოს ცნობით, მათთან შევიდა მწარმოებელი კომპანიისა და სავაჭრო ლიცენზიის მფლობელის – Lek Pharmaceuticals d.d, Slovenia-ს წერილი, რომლის მიხედვით, ხარისხობრივი მაჩვენებლის შესაბამის მოთხოვნასთან შეუსაბამობის გამო ხდება საქართველოს ბაზარზე მიმოქცევისთვის დაშვებული ფარმაცევტული პროდუქტის 5-NOK-ი, 50 მგ შემოგარსული ტაბლეტი N50-ის სერიების ბაზრიდან გამოთხოვა (ამოღება).

“სააგენტო მიმართავს ფარმაცევტული პროდუქტის ყველა რეალიზატორს, დაუყოვნებლივ შეწყვიტონ ფარმაცევტული პროდუქტის – 5-NOK, 50 მგ შემოგარსული ტაბლეტი N50-ის დანართში მითითებული სერიების რეალიზაცია და უზრუნველყონ მისი გამოთხოვა ფარმაცევტული ბაზრიდან”.

5-ნოკი / 5-Nok – საერთაშორისო დასახელება (აქტიური ნივთიერება) nitroxoline, შარდსადენი გზების ინფექციური დაავადებების დროს გამოსაყენებელი საშუალებაა. ეს ანტიმიკრობული მედიკამენტია და ურეცეპტოდ გაიცემა.

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან