ხანძრის შედეგად საცხოვრებელი სახლის სახურავი დაიწვა [ვიდეო]

ბათუმში, აღმაშენებლის დასახლებაში მდებარე ხუთსართულიანი საცხოვრებელი სახლის სახურავს ცეცხლი გაუჩნდა.

სახანძრო-სამაშველო სამსახურის ინფორმაციით, ხანძარი ლიკვიდირებულია, მსხვერპლი არ არის. დაიწვა სახურავის 800 კვადრატული მეტრი და გადარჩა, მხოლოდ 400 კვადრატული მეტრი.

შემთხვევა, 16 იანვარს, დაახლოებით, საღამოს ხუთ საათზე მოხდა.

ადგილზე 13 სახანძრო ბრიგადა მუშაობდა.

შინაგან საქმეთა სამინისტროში „ბათუმელებს“ განუცხადეს, რომ ფაქტზე გამოძიება დაწყებულია სისხლის სამართლის კოდექსის 187-ე მუხლით, რაც გულისხმობს ნივთის დაზიანებას, ან განადგურებას, ცეცხლის წაკიდებით, აფეთქებით ან სხვა საყოველთაო საშიში საშუალებით.

„ბათუმელები“ ბათუმის მერს გიორგი ემაკოვსაც დაუკავშირდა.

„განვიხილავთ რისი დახმარება შეგვიძლია და რამდენ ოჯახს შეეხება“ – განაცხადა ქალაქის მერმა.

შემთხვევის ადგილიდან ვიდეო მოგვაწოდა ჯაბა გობაძემ