დღეს, პირველ თებერვალს, აჭარაში სასწავლო პროცესი პირველად განახლდა საკლასო ოთახებში. თითქმის ერთი წელია, რაც აჭარაში მოსწავლეები დისტანციურ რეჟიმში სწავლობენ. სწავლის დაწყებამდე კერძო და საჯარო სკოლების პედაგოგებს ტესტირება ჩაუტარეს კორონავირუსზე, გამოვლინდა 11 შემთხვევა.
როგორც აჭარის განათლების სამინისტროში აცხადებენ, ყველა სკოლაში დაცულია ჯანდაცვის სამინისტროს მიერ მოწოდებული რეკომენდაციები. „გამონაკლისი გვაქვს შუახევში, ცინარეთის საჯარო სკოლაში 3 პედაგოგს დაუდასტურდა კორონავირუსი, ამიტომ აქ სასწავლო პროცესი ორი კვირით გადაიდება და სწავლა ისევ დისტანციურად გაგრძელდება“, – გვითხრეს სამინისტროში.
სამინისტროს ინფორმაციით, პროტოკოლი ითვალისწინებს სასკოლო სივრცეში მოსწავლეთა ნაკადების მართვას, თერმოსკრინინგს და ჰიგიენის დაცვას.
ქვემოთ ბმულზე შეგიძლიათ იხილოთ „ბათუმელების“ ლაივი, ბათუმში სასწავლო პროცესის სკოლის შენობებში განახლებაზე.
__________________
მთავარი ფოტო: აჭარაში პირველ თებერვალს სასწავლო პროცესი კლასებში განახლდა/ფოტო: განათლების სამინისტრო.
![ბათუმში მეზღვაურთა საერთაშორისო დღე აღინიშნება, რისთვისაც ნახევარი მილიონი ლარი დაიხარჯება [ფოტო]](https://batumelebi.netgazeti.ge/wp-content/uploads/2026/06/11.png "ბათუმში მეზღვაურთა საერთაშორისო დღე აღინიშნება, რისთვისაც ნახევარი მილიონი ლარი დაიხარჯება [ფოტო]")
