Batumelebi | თუ მასწავლებელი ონლაინგაკვეთილებს დამატებით ჩაატარებს, საათები აუნაზღაურდება – სამინისტრო თუ მასწავლებელი ონლაინგაკვეთილებს დამატებით ჩაატარებს, საათები აუნაზღაურდება – სამინისტრო – Batumelebi
RU | GE  

თუ მასწავლებელი ონლაინგაკვეთილებს დამატებით ჩაატარებს, საათები აუნაზღაურდება – სამინისტრო

„თუკი მასწავლებლებს მოუწევთ დამატებით ჩაატარონ დისტანციური გაკვეთილები, სამინისტროს გადაწყვეტილებით, ისინი შესაბამის დანამატს მიიღებენ“, – განაცხადა დღეს, 29 იანვარს, განათლების მინისტრის მოადგილემ, ეკა დგებუაძემ. მინისტრის მოადგილემ დღეს იმაზე ისაუბრა, რომ მშობლებს უფლება ეძლევათ აირჩიონ, ონლაინში გააგრძელებენ მათი შვილები სწავლას, თუ სკოლის შენობაში.

მისი თქმით, ბავშვები ონლაინფორმატში სწავლას იმ შემთხვევაში გააგრძელებენ, თუკი ამისთვის რაიმე მიზეზი არსებობს. მასწავლებლებს კი დამატებით ჩატარებული საათები აუნაზღაურდებათ.

იმ შემთხვევაში, თუკი მშობელი გადაწყვეტს, რომ მისმა შვილმა დისტანციურ ფორმატში გააგრძელოს სწავლა, ამის შესახებ უნდა მიმართოს სკოლის ადმინისტრაციას და გაიაროს რეგისტრაცია „განათლების მართვის საინფორმაციო სისტემის“ მიერ შექმნილ ვებგვერდზე – www.Online.emis.ge.

თუმცა, როგორც დგებუაძე აცხადებს, შერეული მოდელის დაგეგმვისას I-IV კლასის მოსწავლეებისთვის სავალდებულოდ განისაზღვროს ფიზიკურად სასკოლო სივრცეში გაკვეთილების ჩატარება.

„სასწავლო პროცესის დაგეგმვისას, სკოლის ინფრასტრუქტურიდან გამომდინარე და სკოლების განტვირთვის მიზნით, სასწავლო დღედ გამოიყენოს შაბათი დღე“, – აცხადებს ეკა დგებუაძე.

______________________

ამავე თემაზე:

რა შემთხვევაში შეუძლია მშობელს მოითხოვოს ონლაინში სწავლის გაგრძელება

 

 

 

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com