Batumelebi | სრულიად საქართველოს მუფტი ჩოხატაურში მუსლიმებთან შესახვედრად ჩავიდა სრულიად საქართველოს მუფტი ჩოხატაურში მუსლიმებთან შესახვედრად ჩავიდა – Batumelebi
RU | GE  

სრულიად საქართველოს მუფტი ჩოხატაურში მუსლიმებთან შესახვედრად ჩავიდა

სრულიად საქართველოს მუფტი ადამ შანთაძე ბათუმიდან ჩოხატაურის მუნიციპალიტეტში ჩავიდა, სადაც სოფელ ბუკნარის მუსლიმი მოსახლეობა საპროტესტო აქციას მართავს. ამ სოფელში მუსლიმ და ქრისტიან მოსახლეობას შორის ღია დაპირისპირება 12 იანვარს დაიწყო, რის შედეგადაც ორი მუსლიმი პირი საავადმყოფოში მოხვდა.

ადამ შანთაძე აცხადებს, რომ ის ესაუბრა ხელისუფლების წარმომადგენლებს და დარწმუნებულია, რომ მუსლიმი მოსახლეობა ამ სოფელში ლოცვას შეძლებენ:

„ფაქტობრივად პრობლემა აღარ არსებობს – ლოცვები გაგრძელდება. მუსლიმთა სამმართველო ჩართული ვართ პროცესში, რომ ყველაფერი დაბრუნდეს სიმშვიდეს. რა თქმა უნდა, ყველამ უნდა შევუწყოთ ხელი მდგომარეობის დასტაბილურებას.

მე მინდა მოუწოდო ორივე მხარეს, არ აყვენ პროვოკაციას, შევინარჩუნოთ მშვიდობა, ლოცვები გაგრძელდება, ეს ადგილობრივმა ხელისუფლებამაც თქვა და ჩვენი მხრიდანაც ამისკენ იყო მოწოდება. მოლაპარაკებას, დიალოგს და მშვიდობიან თანაცხოვრებას, არაფერი არ ჯობია“.


ამავე თემაზე

რა ხდება ჩოხატაურში – დაპირისპირება რელიგიურ ნიადაგზე

 

ნეტგაზეთის მასალების სხვა გამოცემებში გადაბეჭდვის წესი
ავტორი
ეთერ თურაძე არის გაზეთ "ბათუმელების" მთავარი რედაქტორი 2001 წლიდან