Batumelebi | რა ხდება შარაბიძეებში, სადაც პოლიციაა მობილიზებული რა ხდება შარაბიძეებში, სადაც პოლიციაა მობილიზებული – Batumelebi
RU | GE  

რა ხდება შარაბიძეებში, სადაც პოლიციაა მობილიზებული

შარაბიძეების დასახლებაში, ფრიდონ ხალვაშის გამზირზე, დიდი ოდენობით პოლიციაა მობილიზებული. „ბათუმელებს“ ადგილზე მოსახლეობა ეუბნება, რომ ეს გუშინ მომხდარი ინციდენტის გაგრძელებაა – გუშინ კი პოლიციას აქ მცხოვრები რევაზ შარაბიძე დაუკავებია. „მოვიდა პოლიცია, გაჩხრიკეს სახლი და სახლის უკანა მხრიდან ერთი პარკით იარაღი ამოიღეს. ოჯახი – ცოლი და შვილები გარეთ გამოყარეს, ჩხრეკას არ დაასწრეს“, – ეს არის აქ მცხოვრებთა ვერსია.

შეკრებილი ადამიანები აცხადებენ, რომ დღეს ამ ფაქტის გაპროტესტებას აპირებდა შარაბიძეების ოჯახი და მათი მეზობლები. „ალბათ ეს გაიგეს და მოვიდა პოლიცია. ქუჩის შემოსასვლელი გადაკეტეს. უნდათ, რომ აქცია არ გავმართოთ. დღეს ოთხი ბიჭი კიდევ დააკავეს“.

დაკავებულებს შორის არის რევაზ შარაბიძის შვილიც.

აქციის მონაწილეები

შს სამინისტროს ინფორმაციით, გუშინ მომხდარ ფაქტზე გამოძიება დაიწყო სისხლის სამართლის კოდექსის 236-ე მუხლით, რაც გულისხმობს ცეცხლსასროლი იარაღის უკანონო შეძენა-შენახვას. შესაბამისად, რევაზ შარაბიძეს ეს ბრალდება აქვს წარდგენილი.

უწყების ინფორმაციით, დღეს გამართულ საპროტესტო აქციაზე ადმინისტრაციული წესით სამი პირი დააკავეს.

ნეტგაზეთის მასალების სხვა გამოცემებში გადაბეჭდვის წესი
ავტორი
ეთერ თურაძე არის გაზეთ "ბათუმელების" მთავარი რედაქტორი 2001 წლიდან