Batumelebi | ხმა ბათუმის მესამე დაწესებულებიდან – „4 კაცი ვშიმშილობთ“ [ვიდეო] ხმა ბათუმის მესამე დაწესებულებიდან – „4 კაცი ვშიმშილობთ“ [ვიდეო] – Batumelebi
RU | GE  

ხმა ბათუმის მესამე დაწესებულებიდან – „4 კაცი ვშიმშილობთ“ [ვიდეო]

„ოთხი კაცი ვშიმშილობთ“, – ისმის ვიდეო ჩანაწერში, რომელიც დღეს უფლებადამცველმა თამაზ ბაკურიძემ გაავრცელა. ის და პატიმრების ოჯახის წევრები დღეს ბათუმის მესამე დაწესებულებასთან საპროტესტო აქციას მართავდნენ, ამნისტიის კანონის დამტკიცებამდე.

„მე შევთავაზე ოჯახის წევრებს, რომ სხვა კუთხიდან მივსულიყავით შენობასთან. სწორედ მაშინ დაგვიძახეს, რომ ცუდად არიან, შიმშილობენ და არავინ ყურადღებას არ აქცევთ“, – აცხადებს თამაზ ბაკურიძე.

იუსტიციის სამინისტროს პენიტენციურ სამსახურში „ბათუმელებს“ დაუდასტურეს ინფორმაცია პატიმრების შიმშილობის შესახებ. უწყების თქმით, ბათუმის მესამე დაწესებულებაში 7 იანვრის შემდეგ შიმშილობს არა ოთხი, არამედ ხუთი პატიმარი. ქუთაისის დაწესებულებაში 6 პირი შიმშილობდა და დღეს ოთხმა შეწყვიტა შიმშილობა. ასევ 4 ქალი პატიმარი შიმშილობს რუსთავის ქალთა დაწესებულებაში.

საქმე იმაშია, რომ დღეს, 11 იანვარს, საქართველოს პარლამენტმა მიიღო კანონი ამნისტიის შესახებ.

პატიმრები სხვადასხვა დაწესებულებაში ამნისტიის მოთხოვნით შიმშილობენ. დღეს დილიდან კი, საქართველოს სხვადასხვა ქალაქში პატიმართა ახლობლები მართავდნენ აქციებს პატიმართა ამნისტიის უფრო გაფართოების შესახებ და მოითხოვდნენ ყველა მსჯავრდებულისთვის სასჯელის ერთი მეოთხედის შემცირებას.

ნეტგაზეთის მასალების სხვა გამოცემებში გადაბეჭდვის წესი
ავტორი
ეთერ თურაძე არის გაზეთ "ბათუმელების" მთავარი რედაქტორი 2001 წლიდან