ახალსოფელში, ბათუმს შემოერთებულ ტერიტორიაზე, ძლიერი აფეთქება მოხდა. თვითმხილველთა თქმით, ერთ-ერთი ოჯახის ორსართულიანი სახლის მეორე სართულზე, სავარაუდოდ, გაზის გამათბობელი აფეთქდა.
შემთხვევის შედეგად დაშავდა ოთხი ადამიანი. ორი დაშავებული კლინიკაში გადაიყვანეს. ერთ დაშავებულს კი, რომელსაც თერმული დამწვრობა ჰქონდა, სასწრაფო სამედიცინო სამსახურის ინფორმაციით, ჰოსპიტალიზაცია არ დასჭირდა.
ხანძრის ჩაქრობის დროს ასევე დაშავდა მეხანძრე-მაშველი. ის მეორე სართულიდან ჩამოვარდა. სასწრაფო სამედიცინო სამსახურმა დაშავებული მეხანძრე კლინიკა “მედინაში” გადაიყვანა.
