მთავარი,სიახლეები

„ბათუმი კინოში და კინო ბათუმში“ – გამოფენა ბათუმში, საჯარო ბიბლიოთეკის წინ | ანონსი

27.12.2020 • 1257
„ბათუმი კინოში და კინო ბათუმში“ – გამოფენა ბათუმში, საჯარო ბიბლიოთეკის წინ | ანონსი

დღეს, 27 დეკემბერს, ბათუმში, მემედ აბაშიძის ქუჩაზე, საჯარო ბიბლიოთეკის წინ სკვერში გაიმართება საერთაშორისო პროექტ Connecting Georgia-ს ფარგლებში მომზადებული პროექტების გამოფენა.

  • 16.30 – 18.00 საათზე:  შოთა გუჯაბიძის ფოტოპროექტის გამოფენა – „ბათუმი კინოში და კინო ბათუმში“. ფოტოებზე ასახულია ბათუმში გადაღებული კინოფილმების კადრები და ამ კადრებში ნაჩვენები ადგილების/შენობების დღევანდელი მდგომარეობა.
  • 18.00 – 18.15 საათზე: ლევან წულუკიძის მუსიკალური ვიდეოარტის პრეზენტაცია „სუიტა კოორდინატი 41“.
  • 18.10-18.20 საათზე: ირაკლი ძნელაძის და ზაირა ნადირაშვილის არტინსტალაციის/პერფორმანსის ვიდეოპრეზენტაცია.
  • 18.15-19.00 საათზე: გიორგი გოგიბერიძის არტ/ვიდეო ინსტალაცია „დუპლიკატი“ – ვიდეოარტში ასახულია კინოკადრები ბათუმში გადაღებული ფილმებიდან და იმავე ადგილების დღევანდელი სიტუაციის ამსახველი ვიდეოპრეზენტაცია ერთიან კადრში.

ღონისძიების ტრანსლაცია მოხდება BIAFF -ის ფეისბუქგვერდზე.

Connecting Georgia-ს მიზანია შეისწავლოს ხელოვანების გავლენა პოსტინდუსტრიულ, ზღვისპირა ქალაქებში კულტურული მემკვიდრეობის დაგეგმვისა და განვითარების მიმართულებით. საქართველოდან პროექტის პარტნიორია ბათუმის ხელოვანთა სახლი არგანი.

გადაბეჭდვის წესი


ასევე: