Batumelebi | საზოგადოებრივი ტრანსპორტი არც 24 დეკემბრიდან იმოძრავებს – მთავრობა საზოგადოებრივი ტრანსპორტი არც 24 დეკემბრიდან იმოძრავებს – მთავრობა – Batumelebi
RU | GE  

საზოგადოებრივი ტრანსპორტი არც 24 დეკემბრიდან იმოძრავებს – მთავრობა

მთავრობის გადაწყვეტილებით, 24 დეკემბრიდან 2 იანვრის ჩათვლით საქართველოში შეზღუდვების ნაწილი ძალაში რჩება.

მთავრობის განცხადებით, 24 დეკემბრიდან 2 იანვრის ჩათვლით საქართველოს დიდ ქალაქებში: თბილისში, ბათუმში, რუსთავში, ქუთაისში, გორში, ზუგდიდში, ფოთსა და თელავში კვლავ არ იმოძრავებს მუნიციპალური ტრანსპორტი.

24 დეკემბრიდან 2 იანვრამდე ძალაში რჩება საქალაქთაშორისო ტრანსპორტის შეზღუდვა მთელი ქვეყნის მასშტაბით – ამის შესახებ დღეს, 22 დეკემბერს, ვიცე-პრემიერმა მაია ცქიტიშვილმა განაცხადა.

ასევე, 24 დეკემბრიდან არ გაიხსნება ბაზრობები, თუმცა მუშაობას გააგრძელებენ აგრარული ბაზრები.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com