Batumelebi | თერჯოლის მერი სპორტული მოედნის გასახდელს ათვალიერებს [ფოტოამბავი] თერჯოლის მერი სპორტული მოედნის გასახდელს ათვალიერებს [ფოტოამბავი] – Batumelebi
RU | GE  

თერჯოლის მერი სპორტული მოედნის გასახდელს ათვალიერებს [ფოტოამბავი]

თერჯოლის მუნიციპალიტეტის გვერდი ფეისბუქზე ავრცელებს ფოტომასალას, რომელიც ასახავს, თუ როგორ მივიდა სოფელ ღვანკითში სპორტული მოედნის გასახდელის დასათვალიერებლად თერჯოლის მერი ლაშა გოგიაშვილი ადგილობრივი ხელისუფლების წარმომადგენლებთან ერთად.

ფოტოებზე ჩანს, რომ „გასახდელი“ თუნუქის ფურცლებით შემოსაზღვრული პატარა ადგილია.

„სოფელში ძალიან კარგი ბავშვთა გუნდია, მათ თამაშს სოფლის პირველობის დროს დავესწარით და გუნდს ბურთები გადავეცით. სოფლის ინიციატივით, სტადიონი „სოფლის პროგრამით“ შემოიღობა. წინასაარჩევნო შეხვედრების დროს კი ადგილობრივებმა ერთ-ერთ პრიორიტეტად გასახდელის მოწყობა დაასახელეს. შესაბამისად, მათი მოთხოვნა დავაკმაყოფილეთ და მასალა გადავეცით.

სოფლის მკვიდრებმა მერიისაგან მიღებული მასალით კონსტრუქცია თავადვე გააკეთეს და დღეიდან უკვე გუნდს ახალი გასახდელი აქვს მოწყობილი. მიხარია, რომ ჩვენი მომავალი თაობა ასეთი მოტივირებულია. მჯერა, რომ თითოეული მათგანი მაქსიმუმს გააკეთებს და სპორტული ცხოვრების განვითარებაში საკუთარ წვლილს შეიტანს,” – მუნიციპალიტეტის ფეისბუქგვერდი თერჯოლის მერის, ლაშა გოგიაშვილის ამ ციტატას ავრცელებს.

აქვე აღნიშნულია, რომ „ადგილობრივი ხელისუფლების ერთ-ერთი მთავარი პრიორიტეტი სპორტისა და ჯანსაღი ცხოვრების პოპულარიზაციაა მოსახლეობაში, განსაკუთრებით ახალგაზრდებში“.

ფოტო: თერჯოლის მუნიციპალიტეტი. ლაშა გოგიაშვილი „გასახდელში“

ფოტო: თერჯოლის მუნიციპალიტეტი

ფოტო: თერჯოლის მუნიციპალიტეტი

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com