მთავარი,სიახლეები

მწარმოებელ კომპანიებს 2 მილიონი პლასტიკის პარკი ჩამოართვეს – დეპარტამენტი

16.12.2020 • 1291
მწარმოებელ კომპანიებს 2 მილიონი პლასტიკის პარკი ჩამოართვეს – დეპარტამენტი

2020 წელს პარკების მწარმოებელი კომპანიების ინსპექტირებისა და ლაბორატორიული კვლევის შედეგად დაილუქა და კონფისკაციას დაექვემდებარა 2 142 450 ერთეული პლასტიკის პარკი – აცხადებს გარემოსდაცვითი ზედამხედველობის დეპარტამენტი.

მათივე ინფორმაციით, პლასტიკის პარკის კონფისკაციის მიზანია საცალო ქსელში არ მოხვდეს აღნიშნული პარკები და  შემცირდეს გარემოს დაბინძურება.

დეპარტამენტის ინფორმაციით, 2020 წელს, ჯამში, გარემოსდაცვითი კანონმდებლობის დარღვევის 6 405 ფაქტი გამოავლინეს: „აქედან 367 ფაქტი შეიცავს სისხლის სამართლის დანაშაულის ნიშნებს. სამართალდარღვევებზე დაკისრებული ჯარიმების თანხამ ჯამში 1 602 800 ლარი შეადგინა, გარემოსთვის მიყენებული ზიანის ოდენობამ კი 3 758 345 ლარი“.

დეპარტამენტის ცნობით, გრძელდება საავტომობილო საწვავის ხარისხის კვლევაც: „2020 წელს, ქვეყნის მასშტაბით, 280 ავტოგასამართი სადგურის რეზერვუარებიდან საწვავის 344 სინჯია აღებული. ჯამში, დიზელისა და ბენზინის მხოლოდ 33 სინჯი ვერ აკმაყოფილებდა კანონმდებლობით   გათვალისწინებულ ნორმებს“.

2020 წლის განმავლობაში სავარაუდო სამართალდარღვევის შესახებ ცხელ ხაზზე (153) 2 592 შეტყობინება შევიდა.

2019 წლის 20 ივლისიდან საქართველოში აკრძალულია ნებისმიერი სისქის პლასტიკის პარკების წარმოება, იმპორტი და რეალიზაცია, „გარდა ამ ტექნიკური რეგლამენტით დადგენილი გამონაკლისებისა“.

ამ თემაზე:

რა შეიცვალა კანონში, რომლითაც საქართველოში ცელოფნის პარკების რეალიზაცია აიკრძალა

გადაბეჭდვის წესი


ასევე: