Batumelebi | ბოლო 24 საათში კოვიდისგან 50 ადამიანი გარდაიცვალა ბოლო 24 საათში კოვიდისგან 50 ადამიანი გარდაიცვალა – Batumelebi
RU | GE  

ბოლო 24 საათში კოვიდისგან 50 ადამიანი გარდაიცვალა

ოფიციალური ინფორმაციით, ბოლო 24 საათში ქვეყანაში კორონავირუსისგან 50 ადამიანი გარდაიცვალა. პანდემიის გავრცელებიდან დღემდე კი ვირუსს მთლიანობაში 1 744 პირი ემსხვერპლა.

გამოვლინდა ვირუსით ინფიცირების 3 907 ახალი შემთხვევა. აქედან ყველაზე მეტი – 1 588 შემთხვევა თბილისშია გამოვლენილი, იმერეთში 599, აჭარაში 333. შემთხვევათა რაოდენობა 100-ს აღემატება ქვეყნის სხვა რეგიონებშიც.

ამ ეტაპისთვის თვითიზოლაციაში იმყოფება 51 190 ადამიანი, მათ შორის თბილისში-20 098 პირი, აჭარაში-9 912, იმერეთში – 5 828.

ოფიციალური ინფორმაციით, „ინტენსიური ტესტირების ფარგლებში, ბოლო 24 საათში ქვეყნის მასშტაბით ჩატარდა 18 907 კვლევა ტესტით, მათ შორის 11 064 კვლევა ანტიგენის სწრაფი ტესტით და 7 843 PCR ტესტით“-აცხადებენ მთავრობაში.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com