Batumelebi | შვილის და შვილის მეგობრების მიმართ გარყვნილი ქმედებისთვის კაცი დააკავეს | შსს შვილის და შვილის მეგობრების მიმართ გარყვნილი ქმედებისთვის კაცი დააკავეს | შსს – Batumelebi
RU | GE  

შვილის და შვილის მეგობრების მიმართ გარყვნილი ქმედებისთვის კაცი დააკავეს | შსს

შინაგან საქმეთა სამინისტროს ცნობით, თბილისში დააკავეს 1980 წელს დაბადებული გ.გ., დამნაშავისთვის წინასწარი შეცნობით თექვსმეტი წლის ასაკს მიუღწეველი პირის მიმართ ჩადენილი გარყვნილი ქმედების ბრალდებით.

შსს-ს ცნობით, გამოძიებით დადგინდა, რომ ბრალდებული თავისი არასრულწლოვანი შვილის და შვილის თანატოლი მეგობრების მიმართ სჩადიოდა გარყვნილ ქმედებებს, რომელთა ნაწილის ვიდეოგადაღებასაც ახორციელებდა. აღნიშნული ვიდეოჩანაწერები საქმეში წარმოდგენილია ნივთმტკიცების სახით.

შსს-ს ცნობით, გ.გ.-ს არასრულწლოვნებთან სექსუალური ხასიათის მიმოწერა ჰქონდა.

„პოლიცია განაგრძობს საგამოძიებო მოქმედებებს აღნიშნულ სისხლის სამართლის საქმესთან შემხებლობაში მყოფი სხვა არასრულწლოვნების გამოკვეთა-დადგენის მიზნით,“ – აღნიშნულია შინაგან საქმეთა სამინისტროს განცხადებაში.

გამოძიება დამნაშავისთვის წინასწარი შეცნობით თექვსმეტი წლის ასაკს მიუღწეველი პირის მიმართ ჩადენილ გარყვნილი ქმედების ფაქტზე, საქართველოს სსკ-ის 141-ე მუხლის 1-ლი ნაწილით მიმდინარეობს.

დანაშაული 5-დან 9 წლამდე ვადით თავისუფლების აღკვეთას ითვალისწინებს.

_______________

ფოტო შს სამინისტროს ვიდეომასალიდან 

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com