Batumelebi | „იალჩინი“ 12 მაღაზიიდან 5-ს ისე კეტავს, რომ მიზეზებზე არ საუბრობს „იალჩინი“ 12 მაღაზიიდან 5-ს ისე კეტავს, რომ მიზეზებზე არ საუბრობს – Batumelebi
RU | GE  

„იალჩინი“ 12 მაღაზიიდან 5-ს ისე კეტავს, რომ მიზეზებზე არ საუბრობს

ბათუმში, ხელვაჩაურსა და ქობულეთში „იალჩინის“ მაღაზიების ქსელის ნაწილში ახალი ქსელი – „დეილი“ გაიხსნება. „იალჩინს“ ამ დრომდე ბათუმში სულ 9 მაღაზია ჰქონდა, ახლა კი 7 ექნება. „იალჩინის“ ნაცვლად „დეილი“ დაგხვდებათ ქობულეთსა და ხელვაჩაურის ორ მაღაზიაში.

„იალჩინის“ 5 მაღაზიის დაკეტვის გამო კომპანიაში კომენტარს არ აკეთებენ, თუმცა ადმინისტრაციაში განმარტეს, რომ გადაწყვეტილება პანდემიას არ უკავშირდება. ადმინისტრაციაში გვითხრეს, რომ „დეილს“ მაღაზიის კონკრეტული ფილიალები ორწლიანი ქვეიჯარით გადასცეს. აქ არ აკონკრეტებენ, რატომ უღირდა „იალჩინს“ ამ გადაწყვეტილების მიღება.

კომპანია „იალჩინის“ ინფორმაციით, უცნობია, შეინარჩუნებს თუ არა იმ თანამშრომლებს „დეილი“, რომლებიც აქამდე „იალჩინში“ იყვნენ დასაქმებულები.

„ყველა აგვიყვანეს იგივე პირობით, რაც აქამდე გვქონდა,“ – გვითხრა ერთ-ერთმა დასაქმებულმა, რომელიც ბაგრატიონის ქუჩაზე მდებარე „იალჩინის“ ყოფილი თანამშრომელია და ახლა უკვე კომპანიაში „დეილი“ მუშაობს. აქ ახალი მაღაზია 12 ნოემბერს გაიხსნა. „ბათუმელებმა“ „დეილის“ მენეჯმენტთან დაკავშირება ვერ შეძლო.

„იალჩინ მარკეტში“ შრომითი უფლებების დაცვის პრობლემებზე „ბათუმელებს“ რამდენიმე თანამშრომელი ესაუბრა, მათ შორის, იყო სასამართლო დავაც. 

ნეტგაზეთის მასალების სხვა გამოცემებში გადაბეჭდვის წესი
ავტორი