Batumelebi | უსინათლო და მცირედმხედველი ბავშვები აუდიოსახელძღვანელოებით ისარგებლებენ – სამინისტრო უსინათლო და მცირედმხედველი ბავშვები აუდიოსახელძღვანელოებით ისარგებლებენ – სამინისტრო – Batumelebi
RU | GE  

უსინათლო და მცირედმხედველი ბავშვები აუდიოსახელძღვანელოებით ისარგებლებენ – სამინისტრო

IV-VII კლასის უსინათლო და მცირემხედველ მოსწავლეებს აუდიოფორმატის სახელმძღვანელოებით სწავლის შესაძლებლობა ექნებათ. ამის შესახებ ინფორმაციას საქართველოს განათლების სამინისტრო ავრცელებს.

სამინისტროს ინფორმაციით, გახმოვანებული წიგნებით ისარგებლებენ არა მხოლოდ მოსწავლეები, არამედ დაინტერესებული პირებიც, რადგან სახელმძღვანელოები სამინისტროს ოფიციალურ  ვებგვერდზეც განთავსდება.

„აღნიშნული რესურსებით მოსწავლეებს ინფორმაციის მიღების შესაძლებლობა აქვთ როგორც ტექსტის სახით, ასევე სახელმძღვანელოებში მოცემული ვიზუალური მასალების ტაქტილური შეხებითაც.

სულ მალე კი მოსწავლეებს გრიფმინიჭებული სახელმძღვანელოების აუდიოვერსიაც ექნებათ, რაც პანდემიის პირობებში მათ სასწავლო პროცესში ეფექტურ ჩართულობას შეუწყობს ხელს.

სამომავლოდ კი, სახელმძღვანელოების აუდიოფორმატში გადაყვანა ეტაპობრივად გაგრძელდება“, – აცხადებენ განათლების სამინისტროში.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com