მთავარი,სიახლეები

ახალი სამრეცხაო მერიის მანქანებისთვის

14.12.2015 • 1281
ახალი სამრეცხაო მერიის მანქანებისთვის

ბათუმში ლერმონტოვის 107-ში, ავარიული კორპუსის დემონტაჟის შემდეგ გამოთავისუფლებული ტერიტორია ბათუმის მერიამ იჯარით გასცა.  საიჯარო პირობის თანახმად, მოიჯარე ვალდებულია  აღნიშნულ ტერიტორიაზე ავტომანქანების სამრეცხაო გააკეთოს და მერიის ავტომანქანები უფასოდ გარეცხოს.

ლერმონტოვის 107-ში დანგრეული კორპუსის მოპირდაპირედ,  მრავალსართულიანი სახლი დგას.  სახლის მაცხოვრებლები „ბათუმელებთან“ საუბარში აცხადებენ, რომ მოიჯარემ საზღვრები გადმოწია და ფაქტობრივად მათ სახლში მისასვლელი გზა ჩაუკეტა.

„თუ ამ საზღვრებში გააკეთებს სამრეცხაოს, მაშინ ჩვენ არც ეზო  დაგვრჩება და არც სახლში შემოსასვლელი სამანქანე გზა.  ჩვენ მივედით მერიაში და  შევთანხმდით იმაზე, რომ საზღვარს ჩვენი კორპუსიდან მინიმუმ ერთი მეტრით გადაწევენ. იმედი გვაქვს რომ ამ შეთანხმებას არ დაარღვევენ“- გვეუბნება  საცხოვრებელი კორპუსის ამხანაგობის თავმჯდომარე მალხაზ მახარაძე.

მერიის საფინანსო-ეკონომიკური სამსახურის უფროსის ეგარსლან ლომაძის ინფორმაციით,  სამრეცხაოსთვის ტერიტორია შპს „კრივიჟენს“ გადაეცა.   წლიური საიჯარო თანხა კი 29 500 ლარია.

 

DSCN6068

 

გადაბეჭდვის წესი