ბათუმი,მთავარი,სიახლეები

20 000 ლარი შვიდწუთიანი ანიმაციური ფილმისთვის – აჭარის სამინისტროს ტენდერი

14.11.2020 • 2706
20 000 ლარი შვიდწუთიანი ანიმაციური ფილმისთვის – აჭარის სამინისტროს ტენდერი

აჭარის განათლებისა და კულტურის სამინისტრომ ქართული ხალხური ზღაპრის მიხედვით ანიმაციური ფილმის გადასაღებად ტენდერი გამოაცხადა, რისთვისაც აჭარის ბიუჯეტიდან მაქსიმუმ 20 ათასი ლარი დაიხარჯება.

ტენდერის პირობის მიხედვით, ფილმის ქრონომეტრაჟი არ უნდა აღემატებოდეს 7 წუთს და არ უნდა იყოს 5 წუთზე ნაკლები.

ამასთან, „ანიმაციური ფლიმის გადაღების პროცესში სავალდებულოა ხულოსა და ბათუმში არსებული ანიმაციური სტუდიების აღსაზრდელების ჩართულობა [თითოეული მუნიციპალიტეტიდან 3 ბავშვი]“.

სამინისტრო დააფინანსებს სხვადასხვა მომსახურებას, რომელთა შორის, მაგალითად, „სცენარისტის მომსახურებაში იგულისხმება მის მიერ ერთ-ერთი ქართული ხალხური ზღაპრის მიხედვით შექმნილი ფილმის სცენარის წარდგენა, შინაარსით „სიკეთე“; ფილმის სცენარი უნდა შეთანხმდეს სამინისტროსთან; სხვა დანარჩენ მომსახურებაში იგულისხმება ფილმის გადაღებისათვის საჭირო მომსახურების შესყიდვა – გადაღებისთვის საჭირო ვიდეო/ფოტო კამერები, სამონტაჟო ტექნიკა, კომპიუტერული ტექნიკა და ასე შემდეგ“.

ტენდერში წინადადებების მიღება 2020 წლის 18 ნოემბერს დაიწყება და 20 ნოემბერს შეწყდება. რაც შეეხება სხვა დეტალებს, მაგალითად, გამარჯვებულმა ფილმი ხელშეკრულების გაფორმებიდან 20 დღეში უნდა გადაიღოს.

გადაბეჭდვის წესი


ასევე: