საქართველოს ახალგაზრდა იურისტთა ასოციაციამ ოლიმპიადის „ ახალგაზრდა იურისტები კონსტიტუციური უფლებებისთვის“ მონაწილეები დააჯილდოვა.
ახალგაზრდა იურისტთა ასოციაციის მიერ დაფუძნებული იურიდიული განათლების ხელშეწყობის ფონდი საკონსტიტუციო სასამართლოსთან თანამშრომლობით და საერთაშორისო თანამშრომლობის გერმანულ ფონდთან ერთად ყოველწლიურად ატარებს ოლიმპიადას „ახალგაზრდა იურისტები კონსტიტუციური უფლებებისათვის“ მთელი საქართველოს მასშტაბით, სადაც ყოველწლიურად მონაწილეობს 50- 70 გუნდი სხვადასხვა უნივერსიტეტიდან. ოლიმპიადის წესების თანახმად შესარჩევი ეტაპი უნდა გადალახოს რვა გუნდმა .
წელს ოლიმპიადაში მონაწილეობდნენ თბილისის სახელმწიფო უნივერსიტეტის ოთხი გუნდი, თავისუფალი უნივერსიტეტიდან ერთი გუნდი, „ჯიპადან“ – ერთი და ქუთაისის სახელმწიფო უნივერსიტეტიდან ერთი გუნდი.
ოლიმპიადის ერთ-ერთი ორგანიზატორის თანმარ მეტრეველის განმარტებით:
„ოლომპიადა მიზნად ისახავს კონსტიტუციური სამართლის პოპულარიზაციას და იმ პრაქტიკული უნარ-ჩვევების გამომუშავებას, რომელიც ამ პროფესიის ადამიანებს შემდეგ პროფესიული კარიერისათვის სჭირდებათ. ოლიმპიადის მთავარი პრიზია გამარჯვებული გუნდისათვის ერთკვირიანი ვიზიტი გერმანიაში, იქ სხვადასხვა ღონისძიებაში ჩართვის მიზნით .
ყოვეწლიურად საკონსტიტუციო სამართლო არჩევს ასევე ორ მონაწილეს, რომლებსაც სთავაზობს სტაჟირებას საკონსტიტუციო სასამართლოში და მათ დიდი შანსი აქვთ, გახდნენ საკონსტიტუციო სასამართლოს თანამშრომლები.
იურისტთა ასოციაციასაც აქვს თავისი პრიზი – სტაჟირებას გაივლის ერთ-ერთი საუკეთესო მონაწილე. განათლების ფონდი ყოველწლიურად ერთ რჩეულს სთავაზობს უფასო კურსებს, რომელიც ჩვენ ათი წელია გვაქვს და აქტიურად სარგებლობენ ამ ფონდით სტუდენტები. ვურჩევ მათ მომავალშიც ისარგებლონ ამ შეთავაზებით და ასევე
მიიღონ მონაწილეობა ოლიმპიადაში.“
ოლიმპიადაში სტუდენდები ბათუმის სახელმწიფო უნივერსიტეტიდან წელს არ მონაწილეობდნენ.
