ბათუმის მერიის ცნობით, მუნიციპალური ინფრასტრუქტურის რეაბილიტაციის პროექტის IV ფაზის ფარგლებში, ტბელ აბუსერიძის ქუჩიდან აღმაშენებლის ქუჩის წრიულამდე არსებულ მონაკვეთში წყალარინების ,,E” კოლექტორის მოწყობა მიმდინარეობს, რის გამოც აღნიშნულ მონაკვეთში საავტომობილო მოძრაობა ქუჩის ერთ ზოლში შეზღუდულია.
ავტოსატრანსპორტო საშუალებებისთვის ორმხრივი მოძრაობა შესაძლებელია ქუჩის მეორე ზოლში.
სამუშაოები მონაკვეთების მიხედვით, ეტაპობრივად დაიწყო და ამ დროისთვის პარალელურად სამ ადგილას მიმდინარეობს.
მერიის ცნობით, კოლექტორის მშენებლობა 2021 წლის მაისისთვის უნდა დასრულდეს.
