მიკრო და მცირე მეწარმეობის ხელშემწყობი პროგრამის ფარგლებში, 30 ათასამდე ლარის გრანტის მისაღებად წარდგენილი განაცხადებიდან [ბიზნესიდეებიდან] გამარჯვებულების გამოვლენა 8 ნოემბერს უნდა დასრულებულიყო, თუმცა ეს ვადა „აწარმოე საქართველომ“ 24 ნოემბრამდე გადაწია.
2020 წელს, ამ საგრანტო პროგრამის ფარგლებში, ქვეყნის მასშტაბით 26 307 ბიზნესიდეაა წარდგენილი.
სააგენტოში – „აწარმოე საქართველოში“ – ადრე აცხადებდნენ, რომ პროგრამაში მონაწილეობის მსურველები კონკურსის პირველი ეტაპის შედეგების შესახებ პასუხებს 15 ნოემბრამდე მიიღებდნენ ელფოსტისა და მოკლე ტექსტური შეტყობინების სახით, თუმცა, ეს ვადაც გადაიწევს.
პროგრამის მიხედვით, გამარჯვებული ბიზნესიდეების გამოვლენის შემდეგ, მეორე ეტაპზე გადასული გამარჯვებულები წარადგენენ უკვე ბიზნესგეგმებს/პროექტებს, რომლებსაც სააგენტო შეაფასებს და ამის შემდეგ გააფორმებს დასაფინანსებელი პროექტების ავტორებთან ხელშეკრულებებს.
„აწარმოე საქართველოში“ დირექტორის ბრძანებით გადაიწია და გახანგრძლივდა პროგრამის ბენეფიციარებისთვის თანადაფინანსების თანხის ჩარიცხვის ვადაც.
თუ თანხის ჩარიცხვა 2021 წლის 6 იანვრიდან უნდა დაწყებულიყო და 10 თებერვალს დასრულებულიყო, ახალი ბრძანებით, თანხის ჩარიცხვა 2021 წლის 12 თებერვალს დაიწყება და 7 მაისს დასრულდება.
პროგრამით გათვალისწინებული ღონისძიებების განხორციელების ახალი ვადები:
პროგრამის განხორციელების განახლებული ვადები / წყარო: „აწარმოე საქართველოში“
2020 წელს პროგრამის სამიზნე ტერიტორიულ ერთეულებს თბილისიც დაემატა.
პროგრამის ფარგლებში 300-ზე მეტი მიმართულების ბიზნესსაქმიანობა დაფინანსდება – აცხადებენ „აწარმოე საქართველოში“.
ბიზნესის მიმართულებები, რომლებიც დაფინანსდება, ნახეთ აქ.
