Batumelebi | წყლის ჭავლით დარბეული აქცია და გაფრთხილება – რა ხდება თბილისში [LIVE] წყლის ჭავლით დარბეული აქცია და გაფრთხილება – რა ხდება თბილისში [LIVE] – Batumelebi
RU | GE  

წყლის ჭავლით დარბეული აქცია და გაფრთხილება – რა ხდება თბილისში [LIVE]

დღეს, 8 ნოემბერს, თბილისში, ცესკოს შენობასთან შეკრებილი აქციის მონაწილეების ნაწილი წყლის ჭავლით, გაფრთხილების გარეშე დაშალეს, თუმცა აქცია თბილისში ისევ გრძელდება.

საპროტესტო აქციის მონაწილეებს გადაწყვეტილი აქვთ ცესკოს პიკეტირება. ოპოზიციური პარტიები ცესკოს თავმჯდომარის, თამარ ჟვანიას გადაყენებას და ხელახან არჩევნებს ითხოვენ.

აქციის პარალელირად განცხადება გაავრცელა შინაგან საქმეთა სამინისტრომ და ყველა მოქალაქეს, აქციის ორგანიზატორებსა და მონაწილეებს მოუწოდა, დაიცვან მართლწესრიგი და დაემორჩილონ პოლიციის კანონიერ მოთხოვნებს.

„აქციის მიმდინარეობისას, სამართალდარღვევის ნებისმიერი ფაქტი პოლიციის მიერ, კანონის ფარგლებში, დაუყოვნებლივ იქნება აღკვეთილი“, – აცხადებს შსს.

სახალხო დამცველი ნინო ლომჯარია პოლიციას მოუწოდებს, შეწყვიტოს და არ გამოიყენოს ატაპროპორციული ძალა აქციის მონაწილეების მიმართ.

უფლებადამცვეები ცენტრალურ საარჩევნო კომისიასთან მიმდინარე აქციაზე შინაგან საქმეთა სამინისტროს მიერ სპეციალური საშუალებების გამოყენების გაუფრთხილებლად გამოყენების ლეგიტიმურობას ეჭვქვეშ აყენებენ.

ვითარება ცესკოსთან ამ წუთებშიც [23:30 სთ] დაძაბულია. ნახეთ პირდაპირი ჩართვა:

____________

ფოტოზე: აქციის მონაწილეები ცესკოსკენ მიემართებიან. ფოტო: ნეტგაზეთი

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.