სტამბოლში, „აია სოფიაში“ მცხოვრები კატა სახელად „გლი“ 16 წლის ასაკში მოკვდა – ამის შესახებ თურქული მედია წერს.
კატას კარგად იცნობდნენ „აია სოფიას“ დამთვალიერებლები, მასთან ფოტო აქვს გადაღებული არა ერთ ცნობილ პირს, მათ შორის აშშ-ს ყოფილ პრეზიდენტს, ბარაკ ობამას.
„გლის“ საკუთარი გვერდიც ჰქონდა ინსტაგრამზე, 116 ათასზე მეტი მიმდევრით. კატა 16 წელი ცხოვრობდა „აია სოფიაში“.
24 სექტემბრიდან სტამბოლის ყველაზე ცნობილ კატას კერძო ვეტერინარულ კლინიკაში მკურნალობდნენ, იგი ასაკის გამო მოკვდა.
„გლის“ სიკვდილს ტვიტერზე გამოეხმაურა სტამბოლის გუბერნატორი ალი იერლიქაია. „არასდროს დაგივიწყებ, გლი“ – წერს ის.
„გლი“
